இந்தியா-ரஷ்யா இடையேயான 15-வது வணிக உரையாடல் ரஷ்ய தலைநகர் மாஸ்கோவில் டிசம்பர் 19-ம் தேதி நடைபெறவிருக்கிறது.
இந்தியா – ரஷ்யா இடையே இராஜதந்திர ரீதியாக நல்ல உறவு இருந்து வருகிறது. இதன் ஒரு பகுதியாக, இரு நாடுகளுக்கும் இடையே வணிக உரையாடல்கள் நடந்து வருகிறது. அந்த வகையில், 15-வது இந்திய – ரஷ்ய வணிக உரையாடல் டிசம்பர் 19-ம் தேதி நடைபெறவிருக்கிறது.
இந்த உரையாடல், வணிகப் பிரதிநிதிகள், கூட்டாட்சி அமைச்சகங்களின் தலைவர்கள், ஏஜென்ஸிகள் மற்றும் ரஷ்யாவின் தொகுதி நிறுவனங்கள் மற்றும் மேம்பாட்டு நிறுவனங்கள், பொது அமைப்புகளை ஒன்றிணைக்கும். இக்கூட்டத்தில், தற்போதைய நிலை மற்றும் இரு நாடுகளுக்கிடையேயான இருதரப்பு வர்த்தகம் மற்றும் முதலீட்டின் வாய்ப்புகளுக்கு அர்ப்பணிக்கப்பட்ட ஒரு முழுமையான அமர்வாக இருக்கும்.
இதுகுறித்து ரஷ்யாவின் வெளிநாட்டு பொருளாதார மற்றும் சர்வதேச உறவுகளுக்கான துறைத் தலைவர் செர்ஜி செரெமின் கூறுகையில், “ரஷ்யாவும் இந்தியாவும் குறிப்பிடத்தக்க செல்வாக்கு மற்றும் ஆற்றலைக் கொண்ட நாடுகள். இரு நாடுகளும் பொதுவான குறிக்கோள்கள் மற்றும் அபிலாஷைகளால் ஒன்றிணைக்கப்பட்ட நம்பகமான பங்காளிகள். ஆகவே, இரு நாடுகளும் பல்வேறு துறைகளில் நல்ல ஒத்துழைப்பை வழங்கி வருகின்றன” என்றார்.
இக்கூட்டத்தில், போக்குவரத்து உள்கட்டமைப்பு மேம்பாடு, மெகாசிட்டிகளின் நிலையான வளர்ச்சி, இயந்திர பொறியியல், இரசாயனத் தொழில், மருந்துகள், உலோகம், டிஜிட்டல் தொழில்நுட்பங்கள், ஆற்றல், நிதி, வர்த்தகம் உள்ளிட்ட பல்வேறு அம்சங்கள் குறித்து விவாதிக்கப்படும்.
மேலும், நிதி ஒத்துழைப்பு, மருந்துகள் மற்றும் சுகாதாரம், புத்தாக்கம் மற்றும் தொழில் முனைவோர், வர்த்தகம் மற்றும் தளவாடங்கள், சுற்றுலா மற்றும் கலாச்சார உறவுகள், டிஜிட்டல் மாற்றம் மற்றும் இ-காமர்ஸ் உள்ளிட்ட கூட்டு நடவடிக்கைகளின் பல்வேறு பகுதிகள் குறித்தும் இந்த நிகழ்வில் விவாதிக்கப்படும் என்று எதிர்பார்க்கப்படுகிறது.
இந்நிகழ்வில், “சினெர்ஜிகளை உருவாக்குதல்: போக்குவரத்து மேலாண்மை, தளவாடங்கள் மற்றும் ஈ-காமர்ஸ் ஒருங்கிணைப்பு” என்கிற அமர்வை டி.வி. பிரிக்ஸ் தலைமை ஆசிரியர் க்சேனியா கோமிசரோவா நடத்துவார் என்று கூறப்படுகிறது.
மேலும், இந்நிகழ்வின்போது, இரு நாடுகளைச் சேர்ந்த பங்கேற்பாளர்களும் எரிசக்தி, தொழில்நுட்பம், உற்பத்தி மற்றும் விவசாயம் ஆகிய துறைகளில் வணிக ஒத்துழைப்பை வளர்ப்பதற்கான வழிகளைப் பற்றி விவாதிப்பார்கள் என்று தெரிவிக்கப்பட்டிருக்கிறது. தவிர, பல்வேறு துறைகளில் இந்தியாவிற்கும் ரஷ்யாவிற்கும் இடையிலான வணிக உறவுகளை விரிவுபடுத்துவது தொடர்பான பிரச்சனைகளையும் இந்நிகழ்வு விரிவாக எடுத்துரைக்கும்.
இந்த நிகழ்வில், சுமார் 600 ஆஃப்லைன் பங்கேற்பாளர்கள் மற்றும் 20 முதல் 25 பேச்சாளர்கள் கலந்து கொள்வார்கள் என்று எதிர்பார்க்கப்படுகிறது.
