இல்குரோ இரயில் பாதையில், ஏற்பட்ட மண்சரிவு காரணமாக, மேட்டுப்பாளையம் – உதகை மலை இரயில் சேவை நாளை வரை ரத்து செய்யப்பட்டுள்ளது.
தமிழகத்தில் வடகிழக்குப் பருவமழை தீவிரமடைந்து கடந்த சில வாரங்களாக கனமழை பெய்தது. குறிப்பாக, நீலகிரி, தூத்துக்குடி மாவட்டங்களில் கனமழை பெய்தது. இதன் காரணமாக, ஊட்டி மலை இரயில் சேவை கடந்த ஒரு மாதத்தில் பல முறை ரத்து செய்யப்பட்டது.
இந்நிலையில், இல்குரோ பகுதியில் மழை பெய்தது. இதன் காரணமாக, இல்குரோ இரயில் நிலையம் அருகே தண்டவாளப் பாதையில் பாறைகள் உருண்டு விழுந்துள்ளன. மேலும், தண்டவாளத்தின் பல இடங்களில் மண் சரிவு ஏற்பட்டுள்ளது.
இதுகுறித்து தகவல் அறிந்து சம்பவ இடத்திற்கு வந்த இரயில்வே அதிகாரிகள், இரயில்வே ஊழியர்களைக் கொண்டு, தண்டவாளப் பாதைகளைச் சீரமைக்கும் பணிகளில் ஈடுபட்டுள்ளனர். இதனால், மேட்டுப்பாளையம் – உதகை மலை இரயில் சேவை நாளை வரை ரத்து செய்யப்படுவதாக சேலம் கோட்ட இரயில்வே நிர்வாகம் அறிவித்துள்ளது.
