2024 ஆம் ஆண்டுக்கான ஆஸ்கர் விருதில் பங்கேற்க உள்ள படங்களின் பட்டியல் தற்போது வெளியாகி உள்ள நிலையில் நாமினேஷனில் கூட தேர்வு பெறாமல் வெளியாகியுள்ளது 2018 திரைப்படம்.
2018 ஆம் ஆண்டு ஆகஸ்ட் மாதம் கேரளாவில் பெரும் மழை பெய்து மாநிலமே வெள்ளத்தில் தத்தளித்தது இதனை அடிப்படையாகக் கொண்டு உருவாகிய படம் தான் 2018.
இப்படத்தைக் கேரளாவின் பிரபல மலையாள இயக்குநர் அந்தோணி ஜோசப் இயக்கினார். இந்த படத்தில் பிரபல மலையாள நடிகர் டோவினோ தாமஸ் நடித்திருந்தார்.
மலையாளத்தில் நல்ல வரவேற்பைப் பெற்ற இப்படம் இந்தியாவின் பிற மொழிகளிலும் வெளியானது. அணைத்து மொழிகளிலும் நல்ல வரவேற்பைப் பெற்ற இப்படம் இந்த ஆண்டுக்கான சிறந்த வெளிநாட்டுத் திரைப்படங்கள் பிரிவில் போட்டியிடுவதற்காக இந்திய அரசால் தேர்வு செய்யப்பட்டு ஆஸ்கார் விருதுக்கும் அனுப்பப்பட்டது.
2023ஆம் ஆண்டு நடைபெற்ற ஆஸ்கர் விருது வழங்கும் விழாவில் இந்தியப் படங்கள் பெரும் வரவேற்பைப் பெற்றது. குறிப்பாக ராஜமௌலியின் RRR படத்திற்கும் ‘தி எலிபன்ட் விஸ்பரர்ஸ்’ படத்திற்கும் விருது கிடைத்தது.
இந்நிலையில் 2024 ஆம் ஆண்டுக்கான ஆஸ்கர் விருதில் பங்கேற்க உள்ள படங்களின் பட்டியல் தற்போது வெளியாகி உள்ளது. ஆனால் இதில் நாமினேஷனில் கூட தேர்வு பெறாமல் வெளியாகியுள்ளது 2018 திரைப்படம். இந்த தகவல் இந்திய ரசிகர்களுக்கு மிகப்பெரிய ஏமாற்றத்தைக் கொடுத்துள்ளது.
அர்மேனியா மற்றும் பூட்டான் உள்பட 15 நாடுகளின் படங்கள் அடுத்த ஆண்டு நடைபெறும் ஆஸ்கார் விருதிற்குப் பரிந்துரை செய்யப்பட்டுள்ளது. மக்கள் மத்தியில் நல்ல வரவேற்பைப் பெற்ற 2018 படம் தேர்வு பெறாதது மிகப்பெரிய வருத்தத்தை ஏற்படுத்தியுள்ளது. குறிப்பாக பெரும் எதிர்பார்ப்பிலிருந்த 2018 படக்குழுவிற்கு இந்த செய்தி பெரும் சோகத்தை அளித்துள்ளது.
