இந்தியாவில் நடைபெற்று வரும் புரோ கபடி தொடரில் நேற்று நடைபெற்ற இரண்டு போட்டிகளில் உ.பி.யோத்தாஸ் மற்றும் பாட்னா பைரேட்ஸ் ஆகிய அணிகள் வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இதில் நேற்று உத்தர பிரதேசத்தில் உள்ள ஷஹீத் விஜய் சிங் பதிக் விளையாட்டு அரங்கத்தில் நடைபெற முதல் போட்டியில் பாட்னா பைரேட்ஸ் – அரியானா ஸ்டீலர்ஸ் அணிகள் விளையாடின.
பரபரப்பான இந்த ஆட்டத்தில் தொடக்கம் முதல் சிறப்பாக விளையாடிய பாட்னா பைரேட்ஸ் அணி 46 – 33 என்ற கணக்கில் வெற்றிப் பெற்றது.
அதேபோல் நேற்று நடைபெற்ற மற்றொரு போட்டியில் பெங்களூரு புல்ஸ் – உ.பி.யோத்தாஸ் அணிகள் விளையாடியது.
விறுவிறுப்பாக நடைபெற்ற இந்தப் போட்டியில் உ.பி.யோத்தாஸ் அணி 34-33 என்ற புள்ளி கணக்கில் பெங்களூரு அணியை வீழ்த்தி திரில் வெற்றிப் பெற்றது.
