நாட்டில் ஸ்வாமித்வா திட்டத்தின் கீழ் சுமார் 1.25 கோடி சொத்து அட்டைகளை மத்திய அரசு விநியோகம் செய்திருப்பதாக பஞ்சாயத்து ராஜ் அமைச்சகம் தெரிவித்திருக்கிறது.
இதுகுறித்து பஞ்சாயத்து ராஜ் அமைச்சகம் வெளியிட்டிருக்கும் செய்திக் குறிப்பில், “நாட்டில் ஸ்வாமித்வா திட்டத்தின் கீழ் சுமார் 1.25 கோடி சொத்து அட்டைகளை மத்திய அரசு விநியோகம் செய்திருக்கிறது.
இந்த சொத்து அட்டைகளில், தேசிய பஞ்சாயத்து ராஜ் தினத்தை முன்னிட்டு பிரதமர் நரேந்திர மோடி 35 லட்சம் சொத்து அட்டைகளை வழங்கி இருக்கிறார். இத்திட்டத்தின் கீழ் 2.89 லட்சம் கிராமங்களில் ஆளில்லா விமானம் பறக்கும் பணி நிறைவடைந்திருக்கிறது.
நடப்பு ஆண்டில் ராஷ்ட்ரிய கிராம் ஸ்வராஜ் அபியான் (ஆர்.ஜி.எஸ்.ஏ.) திட்டத்தின் கீழ் கிட்டத்தட்ட 18 லட்சம் பங்கேற்பாளர்கள் பயிற்சி பெற்றுள்ளனர். மேலும், அவர்களின் செயல்திறனின் அடிப்படையில் மொத்தம் 42 பஞ்சாயத்துகளுக்கு விருதுகள் வழங்கப்பட்டன.
இந்த ஆண்டு 21,05,628 கிராம பஞ்சாயத்துகள் தங்கள் குடிமக்கள் சாசனங்களை பதிவேற்றம் செய்துள்ளன. குடிமக்களை மையப்படுத்திய சேவைகளை வழங்குவதற்காக வளர்ந்து வரும் தொழில்நுட்பத்தைப் பயன்படுத்துவதில் ஸ்வாமித்வா திட்டம் தங்கப் பரிசை பெற்றிருக்கிறது.
பஞ்சாயத்துகளின் முன்னேற்றத்தை அளவிடுவதற்கும், சான்றுகள் அடிப்படையிலான கொள்கையைத் தயாரிப்பதற்கான மதிப்பீட்டை மேற்கொள்வதற்கும், பஞ்சாயத்து வளர்ச்சி குறியீட்டு தேசியப் பட்டறையின் கணக்கீட்டிற்கான வழிமுறைகளைத் தயாரிக்க ஒரு குழுவை அமைத்தது.
குழு பஞ்சாயத்து வளர்ச்சி குறியீடு கணக்கிடுவதற்கான ஒரு கட்டமைப்பை அமைத்தது. மேரி பஞ்சாயத்து விண்ணப்பத்தின் பதிவிறக்கம் 13 லட்சத்தைத் தாண்டியது.
தேசிய பஞ்சாயத்து ராஜ் தினத்தில் பஞ்சாயத்து அளவில் பொது கொள்முதல் செய்வதற்கான ஒருங்கிணைந்த பஞ்சாயத்து ராஜ் நிறுவனங்களில் மின் ஆளுமை மற்றும் அரசு இ சந்தை போர்ட்டலை பிரதமர் மோடி திறந்து வைத்தார்.
பஞ்சாயத்து ராஜ் அமைச்சர் ஸ்ரீ கிரிராஜ் சிங் கிராம சபையின் தேசிய முன்முயற்சி (gs nirnay) என்ற மொபைல் செயலியை அறிமுகப்படுத்தினார்.
கிராம உர்ஜா ஸ்வராஜ் அபியான் திட்டத்தின் கீழ், இன்றுவரை, 2,080 கிராம பஞ்சாயத்துகள் புதுப்பிக்கத்தக்க எரிசக்தி திட்டங்களை செயல்படுத்தி இருக்கின்றன” என்று தெரிவிக்கப்பட்டிருக்கிறது.
