இந்தியா மற்றும் ஆஸ்திரேலியா மகளிர் டி20 கிரிக்கெட்டின் கடைசி போட்டியில் ஆஸ்திரேலியா அணி 7 விக்கெட்கள் வித்தியாசத்தில் வெற்றி பெற்று தொடரைத் கைப்பற்றியது.
இந்தியா-ஆஸ்திரேலியா மகளிர் கிரிக்கெட் தொடர் நடைபெற்று வருகிறது. இரு அணிகளும் ஒரு டெஸ்ட் போட்டி, மூன்று போட்டிகள் கொண்ட ஒரு நாள் தொடர் மற்றும் மூன்று போட்டிகள் கொண்ட டி20 தொடரில் விளையாடுகிறது.
அதில் கடைசி டி20 போட்டி நேற்று மும்பையில் உள்ள டி.ஒய். படேல் மைதானத்தில் நடைபெறுகிறது. இதில் டாஸ் வென்ற ஆஸ்திரேலியா அணி முதலில் பந்துவீச்சை தேர்வு செய்துள்ளது. அதன்படி இந்தியா முதலில் பேட்டிங் செய்தது.
இந்திய அணி 20 ஓவர்கள் முடிய 6 விக்கெட்கள் இழப்பிற்கு 147 ரன்களை எடுத்தது. இந்திய அணியில் தொடக்க வீராங்கனையாக களமிறங்கிய ஷாபாலி வர்மா 6 பௌண்டரீஸ் என மொத்தமாக 26 ரன்களை எடுத்தார்.
மற்றொரு தொடக்க வீராங்கனையான ஸ்மிருதி மந்தனா 2 பௌண்டரீஸ் 1 சிக்சர் என மொத்தமாக 29 ரன்களை எடுத்தார். அவரைத் தொடர்ந்து களமிறங்கிய ஜெமிமா 2 ரன்களும், ஹர்மன்ப்ரீத் 3 ரன்களும் எடுத்து ஆட்டமிழக்க ரிச்சா கோஷ் 2 பௌண்டரீஸ் 3 சிக்சர்கள் என மொத்தமாக 34 ரன்கள் எடுத்து ஆட்டமிழந்தார்.
அடுத்ததாக களமிறங்கிய தீப்தி சர்மா 14 ரன்களில் ஆட்டமிழக்க அமன்ஜோத் கவுர் 17 ரன்களும் பூஜா 7 ரன்களும் எடுத்து ஆட்டமிழக்காமல் இருந்தனர்.
ஆஸ்திரேலியா அணியில் அதிகபட்சமாக ஜார்ஜியா வேர்ஹாம், அனாபெல் சதர்லேண்ட் ஆகியோர் தலா 2 விக்கெட்களை வீழ்த்தினர். ஆஷ்லீ, மேகன் ஆகியோர் தலா 1 விக்கெட்டை வீழ்த்தினர்.
இதனைத் தொடர்ந்து 148 ரன்கள் அடித்தால் வெற்றி என்ற இலக்குடன் களமிறங்கிய ஆஸ்திரேலியா அணியின் தொடக்க வீராங்கனை அலிசா ஹீலி 55 ரன்களை எடுத்து ஆட்டமிழந்தார்.
மற்றொரு தொடக்க வீராங்கனையான பெத் மூனி 52 ரன்களை எடுத்து கடைசிவரை ஆட்டமிழக்காமல் இருந்தார். தஹ்லியா மெக்ராத் 20 ரன்களில் ஆட்டமிழக்க, எல்லிஸ் பெர்ரி டக் அவுட் ஆனார்.
பின்பு களமிறங்கிய ஃபோப் லிட்ச்ஃபீல்ட் 17 ரன்கள் எடுத்து கடைசிவரை ஆட்டமிழக்காமல் இருந்தார். இதனால் ஆஸ்திரேலியா மகளிர் அணி 19வது ஓவரில் 3 விக்கெட்கள் இழப்பிற்கு 149 ரன்களை எடுத்தார்.
இந்திய அணியில் பூஜா 2 விக்கெட்களும், தீப்தி 1 விக்கெட்டும் வீழ்த்தினர். இதனால் ஆஸ்திரேலியா அணி 7 விக்கெட்கள் வித்தியாசத்தில் வெற்றி பெற்று தொடரைத் கைப்பற்றியது.
இந்த போட்டியில் ஆட்ட நாயகி விருது அனாபெல் சதர்லேண்ட் அவர்களுக்கும் தொடரின் நாயகி விருது அலிசா ஹீலி அவர்களுக்கும் வழங்கப்பட்டது.
