இந்தியாவில் கொரோனாவால் பாதிக்கப்பட்டு சிகிச்சை பெறுவோரின் மொத்த எண்ணிக்கை 2 ஆயிரத்து 439 ஆக உள்ளது.
கடந்த டிசம்பர் மாதம் முதல் இந்தியாவில் அதிகரிக்க தொடங்கிய கொரோனா பாதிப்பு, கடந்த சில வாரங்களாக குறைய தொடங்கி உள்ளது. இந்நிலையில், இன்று காலை 8 மணி நிலவரப்படி, நாட்டில் புதிதாக 305 பேருக்கு கொரோனா பாதிப்பு உறுதி செய்யப்பட்டுள்ளது. கொரோனாவால் பாதிக்கப்பட்டு சிகிச்சை பெறுவோரின் மொத்த எண்ணிக்கை 2 ஆயிரத்து 439 ஆக உள்ளது.
கொரோனா பாதிப்பில் இருந்து 419 பேர் டிஸ்சார்ஜ் செய்யப்பட்டுள்ளனர். இதுவரை 4 கோடியே 44 இலட்சத்து 86 ஆயிரத்து 931 பேர் கொரோனா பாதிப்பிலிருந்து மீண்டுள்ளனர். கொரோனா பாதிப்பால் மூன்று பேர் உயிரிழந்தனர்.
இந்தியாவில் தற்போது வரை 220 கோடியே 67 இலட்சத்து 83 ஆயிரத்து 694 டோஸ் கோவிட்-19 தடுப்பூசிகள் போடப்பட்டுள்ளது.
