19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடரில் தென் ஆப்பிரிக்கா அணி 31 ரன்கள் வித்தியாசத்தில் வெற்றி பெற்றது.
19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் இன்று தொடங்குகிறது. இந்த தொடர் பிப்ரவரி 11 ஆம் தேதி வரை நடைபெறவுள்ளது.
தொடக்க நாளான இன்று மொத்தமாக இரண்டு போட்டிகள் நடைபெறவுள்ளன. அதில் தென் ஆப்பிரிக்கா – மேற்கிந்தியத் தீவுகள் அணிகள் விளையாடும் போட்டி தென் ஆப்பிரிக்காவில் சென்வெஸ் பூங்கா மைதானத்தில் நடைபெற்றது.
இந்தப் போட்டியில் டாஸ் வென்ற மேற்கிந்திய அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த தென் ஆப்பிரிக்கா அணி 50 ஓவர்கள் முடிய 9 விக்கெட்கள் இழப்பிற்கு 285 ரன்களை எடுத்துள்ளது.
தென் ஆப்பிரிக்கா அணியில் அதிகபட்சமாக திவான் மரைஸ் 4 பௌண்டரீஸ் மற்றும் 4 சிக்சர்கள் உட்பட 65 ரன்களை எடுத்து ஆட்டமிழந்தார்.
தென் ஆப்பிரிக்கா அணியின் கேப்டன் ஜுவான் ஜேம்ஸ் 47 ரன்களும், டேவிட் டீகர் 44 ரன்களும் எடுத்து ஆட்டமிழக்க தொடக்க வீரராக களமிறங்கிய லுவான் 6 பௌண்டரீஸ், 1 சிக்சர் உட்பட 40 ரன்கள் எடுத்து ஆட்டமிழந்தார்.
இதனால் தென் ஆப்பிரிக்கா அணி 50 ஓவர்கள் முடிய 9 விக்கெட்கள் இழப்பிற்கு 285 ரன்களை எடுத்துள்ளது. மேற்கிந்திய அணியில் அதிகபட்சமாக நாதன் சீலி 3 விக்கெட்களை வீழ்த்தினார்.
நாதன் எட்வர்ட் மற்றும் தேஷான் ஜேம்ஸ் ஆகியோர் தலா 2 விக்கெட்களை வீழ்த்தினர். இதை தொடர்ந்து 286 ரன்கள் எடுத்தால் வெற்றி என்ற இலக்குடன் களமிறங்கியது மேற்கிந்திய அணி.
மேற்கிந்திய அணி 41வது ஓவரில் அனைத்து விக்கெட்களையும் இழந்து 254 ரன்கள் மட்டுமே எடுத்தது. மேற்கிந்திய அணிக்கு ஆரம்பவே அதிர்ச்சியாக அமைந்தது.
17 ரன்களுக்கு 3 விக்கெட்டுகளை இழந்து தடுமாறிய நிலையில், 10 ஓவர்கள் முடிவில் மேற்கிந்திய அணி 73 ரன்களுக்கு 5 விக்கெட்டுகளை இழந்து தோல்வியின் எல்லைக்கே சென்றது.
அப்போது மேற்கிந்திய விக்கெட் கீப்பர் ஜுவல் ஆண்ட்ரூ – நேதன் சீலி கூட்டணி அமைத்தது. ஒரு பக்கம் நேதன் சீலி நிதான ஆட்டத்தை வெளிப்படுத்த, இன்னொரு பக்கம் ஆண்ட்ரூ அதிரடியாக விளையாடினார்.
ஒவ்வொரு ஓவருக்கும் பவுண்டரிகள் பறந்து கொண்டே இருந்தது. இதன் மூலம் 40 பந்துகளில் அரைசதம் அடித்த ஆண்ட்ரூ, அதிரடியை அடுத்த கியருக்கு மாற்றினார். தென்னாப்பிரிக்கா பவுலர் ஆலிவர் வீசிய ஒரே ஓவரில் 17 ரன்களை விளாசி வெளுத்து கட்டினார் ஆண்ட்ரூ. இதனால் மேற்கிந்திய அணி 150 ரன்களை எட்டியது.
தொடர்ந்து சிறப்பாக விளையாடிய ஆண்ட்ரூ 71 பந்துகளில் சதம் அடித்து அசத்தல், மேற்கிந்திய அணியின் ஸ்கோரும் 31 ஓவர்களிலேயே 200 ரன்களை கடந்தது. சிறப்பாக விளையாடிய அவர் 96 பந்துகளில் 3 சிக்ஸ், 14 பௌண்டரீஸ் உட்பட 130 ரன்கள் எடுத்து ஆட்டமிழந்தார்.
இதனால் மேற்கிந்திய அணி 40.1 ஓவர்களில் 254 ரன்கள் மட்டுமே எடுத்து தோல்வியை சந்தித்தது. இதன்மூலம் தென் ஆப்பிரிக்கா 31 ரன்கள் வித்தியாசத்தில் வெற்றி பெற்றது.
