அயோத்தி ராமர் கோவில் திறப்பு விழா இன்று நடைபெற்ற நிலையில் கயானாவில் கொண்டாட்டம் களைகட்டியது.
அயோத்தியில் ராமர் கோவிலில் குழந்தை ராமர் சிலை இன்று பிரதிஷ்டை செய்யப்பட்டது. இதனையொட்டி அமெரிக்கா, கயானா, இங்கிலாந்து, மலேசியா, சிங்கப்பூர் உள்ளிட்ட நாடுகளில் கொண்டாட்டம் களைகட்டியது.
அமெரிக்க கோவில்களில் ஒருவாரமாக சிறப்பு பூஜைகள் நடைபெற்று வருகிறது. நியூயார்க் டைம்ஸ் சதுக்கத்தில் ஏராளமானோர் திரண்டனர். அங்கு ஜெய் ஸ்ரீ ராம் என்ற கோஷம் ஒலித்த வண்ணமாக இருந்தும். பெரிய திரையில் அயோத்தி ராமர் கோயில் விழா ஒளிபரப்பப்பட்டது.பிரான்சில் நடைபெற்ற ரதயாத்திரையில் ஏராளமானோர் பங்கேற்றனர்.
இதேபோல் கயானாவிலும் கொண்டாட்டம் களைகட்டியது. கோயில்களில் நடைபெற்ற சிறப்பு பூஜைகளில் ஏராளமானோர் பங்கேற்றனர். பல்வேறு இடங்களில் பேரணியும் நடைபெற்றது. அதில் காவிக்கொடி ஏந்தியும், ராமர் படங்களை சுமந்தபடியும் பக்தர்கள் பங்கேற்றனர்.
