மக்களவை தேர்தல் ஏப்ரல் 16ஆம் தேதி நடைபெறும் என வெளியான செய்திகளுக்கு தலைமை தேர்தல் ஆணையம் மறுப்பு தெரிவித்துள்ளது.
17-வது மக்களவைக்கான பொதுத் தேர்தல் 2019ஆம் ஆண்டு ஏப்ரல் மற்றும் மே மாதங்களில் நடைபெற்றது. இந்தியாவின் 18-வது மக்களவைத் தேர்தல் 2024 ஆம் ஆண்டு நடைபெறவுள்ளது.
இதற்கான முன்னேற்பாட்டு பணிகளில் அரசியல் கட்சிகள் ஈடுபட்டு வருகின்றன. அதேபோல் தேர்தல் நடத்துவது தொடர்பான பணிகளில் தேர்தல் ஆணையம் தீவிரமாக ஈடுபட்டு வருகிறது.
இந்நிலையில் மக்களவை தேர்தல் ஏப்ரல் 16ஆம் தேதி நடைபெற உள்ளதாக செய்திகள் வெளியானது. இதுதொடர்பாக சுற்றறிக்கை ஒன்றும் வெளியானது. ஆனால் இதற்கு இந்திய தேர்தல் ஆணையம் மறுப்பு தெரிவித்துள்ளது.
அதிகாரிகள் தேர்தல் நடவடிக்கைகளைத் திட்டமிடுவதற்கான குறிப்புக்காக மட்டுமே இந்த தேதி குறிப்பிடப்பட்டுள்ளதாக தேர்தல் ஆணையம் விளக்கம் அளித்துள்ளது.
Some media queries are coming referring to a circular by @CeodelhiOffice to clarify whether 16.04.2024 is tentative poll day for #LSElections2024
It is clarified that this date was mentioned only for ‘reference’for officials to plan activities as per Election Planner of ECI.— CEO, Delhi Office (@CeodelhiOffice) January 23, 2024
