இந்த ஆண்டு நடைபெறவுள்ள பெண்கள் பிரீமியர் லீக் தொடருக்கான அட்டவணை வெளியாகியுள்ளது.
ஐபிஎல் போன்று பெண்களுக்காக மகளிர் பிரீமியர் லீக் ( WPL ) கடந்த ஆண்டு தொடங்கப்பட்டது. இதில் 5 அணிகள் விளையாடின.
முதல் சீசனில் மும்பை அணி சாம்பியன் பட்டம் வென்றது. மார்ச் மாதம் நடைபெற்ற இதன் முதலாவது சீசன் போட்டிகள் அனைத்தும் மராட்டிய மாநிலம் மும்பையில் மட்டுமே நடத்தப்பட்டன.
இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், பெங்களூரு ராயல் சேலஞ்சர்ஸ் ஆகிய 5 அணிகள் பங்கேற்றன.
முதலாவது கிரிக்கெட் போட்டியில் ஹர்மன்பிரீத் கவுர் தலைமையிலான மும்பை இந்தியன்ஸ் அணி சாம்பியன் கோப்பையை வென்றது.
இந்நிலையில் இந்த ஆண்டுக்கான பெண்கள் பிரீமியர் லீக் தொடருக்கான அட்டவணை வெளியாகியுள்ளது. அதன்படி இந்தப் போட்டியானது பிப்ரவரி 23ஆம் தேதி தொடங்குகிறது.
பிப்ரவரி 23ம் தேதி தொடங்கும் முதல் ஆட்டத்தில் மும்பை இந்தியன்ஸ் – டெல்லி கேப்பிடல்ஸ் அணிகள் விளையாடவுள்ளது.
கடந்த சீசனை போல இந்த சீசனிலும் புள்ளிப்பட்டியலில் முதல் இடத்தை பிடிக்கும் அணி நேரடியாக இறுதிப்போட்டிக்கு முன்னேறும். 2வது மற்றும் 3வது இடம் பிடிக்கும் அணிகள் எலிமினேட்டர் ஆட்டத்தில் மோதும் எனத் தெரிவிக்கப்பட்டுள்ளது.
இந்தப் போட்டிக்கான அட்டவணைப்படி இந்த தொடர் பிப்ரவரி 23ஆம் தேதி முதல் மார்ச் 17ம் தேதி வரை தொடர் நடைபெறுகிறது.
மார்ச் 15ம் தேதி எலிமினேட்டர் ஆட்டமும், மார்ச் 17ம் தேதி இறுதிப்போட்டியும் நடைபெறுகிறது. எலிமினேட்டர் மற்றும் இறுதிப்போட்டி ஆட்டங்கள் டெல்லியில் நடைபெறும் என தகவல் வெளியாகி உள்ளது.
