இந்தியாவில் நடைபெற்று வரும் புரோ கபடி லீக் தொடரில் நேற்று நடைபெற்ற போட்டியில் குஜராத் ஜெயண்ட்ஸ் மற்றும் பாட்னா பைரேட்ஸ் அணிகள் வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இந்நிலையில் நேற்று பீகாரில் நடைபெற்ற முதல் போட்டியில் யு மும்பா மற்றும் குஜராத் ஜெயண்ட்ஸ் அணிகள் விளையாடின. விறுவிறுப்பாக நடைபெற்ற இந்தப் போட்டியில் குஜராத் ஜெயண்ட்ஸ் அணி 44-35 என்ற புள்ளி கணக்கில் யு மும்பா அணியை வீழ்த்தி வெற்றி பெற்றது.
இதன் மூலம் குஜராத் ஜெயண்ட்ஸ் அணி 4வது இடத்திலும், யு மும்பா அணி 7வது இடத்திலும் உள்ளது. இதனைத் தொடந்து நேற்று நடைபெற்ற மற்றொரு போட்டியில் பாட்னா பைரேட்ஸ் மற்றும் பெங்கால் வாரியர்ஸ் அணிகள் விளையாடின.
விறுவிறுப்பாக நடைபெற்ற இப்போட்டியில் பாட்னா பைரேட்ஸ் 44-28 என்ற கணக்கில் பெங்கால் வாரியர்ஸை வீழ்த்தி வெற்றி பெற்றது.
இதன் மூலம் பாட்னா பைரேட்ஸ் அணி 6வது இடத்திலும், பெங்கால் வாரியர்ஸ் 8வது இடத்திலும் உள்ளது.
