பாரீசில் ஒலிம்பிக் போட்டிக்கு தமிழக வீரர் தகுதி!

2024 பாரீசில் ஒலிம்பிக் போட்டிக்கு தமிழக பாய்மரப்படகு வீரர் விஷ்ணு சரவணன் தகுதி பெற்றுள்ளார்.

ஆஸ்திரேலியாவில் உள்ள அடிலெய்டில் உலக பாய்மரப்படகு சாம்பியன்ஷிப் போட்டி நடைபெற்றது.

இதில் சர்வதேச லேசர் கிளாஸ் பிரிவு பந்தயத்தில் 152 வீரர்கள் கலந்து கொண்டனர். இதன் மொத்தமாக 11 பந்தயங்கள் நடைபெற்றது.

இந்த போட்டியில் இந்திய வீரர் விஷ்ணு சரவணன் பங்குபெற்றார். இந்த 11 போட்டிகள் முடிவில் இந்திய வீரர் விஷ்ணு சரவணன் மொத்தம் 174 புள்ளிகள் பெற்று 26வது இடத்தை பிடித்தார்.

இதன் மூலம் இவர் ஆசிய அளவிலான ரேங்கிங்கில் முன்னிலை பெற்றார். இந்நிலையில் விஷ்ணு சரவணன் பாரீசில் ஜூலை மற்றும் ஆகஸ்டு மாதம் நடைபெறும் ஒலிம்பிக் போட்டிக்கு தகுதி பெற்றுள்ளார்.

தமிழகத்தின் வேலூரை சேர்ந்த 24 வயதே ஆனா விஷ்ணு சரவணன் மும்பையில் ராணுவத்தில் பணியாற்றி வருகிறார்.

இவர் 21 வயதுக்கு உட்பட்ட உலக சாம்பியன்ஷிப் மற்றும் ஆசிய விளையாட்டு போட்டியில் வெண்கலப்பதக்கம் வென்றார். அதேபோல் இவர் 2021 ஆம் ஆண்டு டோக்கியோ ஒலிம்பிக் போட்டிக்கும் தகுதி பெற்றிருந்தார்.

மேலும் இவர் பாரீஸ் ஒலிம்பிக் போட்டிக்கு தகுதி பெற்ற முதல் இந்திய பாய்மரப்படகு வீரர் என்ற பெருமையையும் பெற்றுள்ளார்.

மேலும் இவர் தொடர்ந்து 2 ஒலிம்பிக் போட்டிக்கு தகுதி பெற்ற முதல் இந்திய பாய்மரப்படகு வீரர் என்ற பெருமையும் பெற்றுள்ளார்.