ஐஸ்வர்யா ரஜிகாந்த் இயக்கத்தில் ரஜினி சிறப்பு தோற்றத்தில் நடித்த ‘லால் சலாம்’ திரைப்படம் இன்று திரையரங்குகளில் வெளியாகியுள்ளது.
கிரிக்கெட்டை மையமாக வைத்து, இயக்குநர் ஐஸ்வர்யா ரஜினிகாந்த் இயக்கத்தில் உருவாகியுள்ள திரைப்படம் ‘லால் சலாம்’. இந்த திரைப்படத்தில் விக்ராந்த், விஷ்ணு விஷால் ஆகியோர் முக்கிய கதாபாத்திரங்களில் நடித்துள்ளனர்.
இந்த படத்தில் சிறப்புத் தோற்றத்தில் சூப்பர் ஸ்டார் ரஜினிகாந்த் மற்றும் முன்னாள் கிரிக்கெட் வீரர் கபில்தேவ் ஆகியோர் நடித்துள்ளனர்.
லைகா நிறுவனம் தயாரித்துள்ள இந்த படத்துக்கு இசையமைப்பாளர் ஏ.ஆர்.ரகுமான் இசையமைத்துள்ளார். விஷ்ணு ரங்கசாமி ஒளிப்பதிவு செய்துள்ளார்.
தமிழ், ஹிந்தி உள்ளிட்ட 5 மொழிகளில் உருவாகியுள்ள இப்படம் இன்று திரையரங்குகளில் வெளியாகியுள்ளது. இப்படத்திற்கு சினிமா ரசிகர்கள் தவிர கிரிக்கெட் ரசிகர்களிடமும் தனி எதிர்பார்ப்பு இருந்தது.
ஏனெனில் இப்படத்தில் கபில் தேவ் சிறப்பு தோற்றத்தில் நடித்துள்ளார். அதேபோல் ரஜினி ரசிகர்கள் திரையரங்கு முன்பே ரஜினியின் கட் அவுட் வைத்து அந்த கட் அவுட் உயரத்திற்கு மாலைகளை தொடுத்து கட் அவுட்டிற்கு அணிவித்துள்ளனர்.
திரையரங்கிற்கு முன் போலீசாரும் குவிக்கப்பட்டுள்ளனர். இந்த வருட பொங்கலுக்கு வெளியிடப்படும் என்று எதிர்ப்பார்த்த நிலையில் இப்படம் இன்று வெளியிடப்பட்டுள்ளது.
