விடாமுயற்சி படத்தின் முதல் போஸ்டர் காதலர் தினத்தன்று அதாவது பிப்ரவரி 14ஆம் தேதி வெளியாகும் என தகவல் வெளியாகியுள்ளது.
தமிழ் திரையுலகில் முன்னணி நடிகரான அஜித் குமார் தற்போது விடாமுயற்சி என்ற படத்தில் நடித்து வருகிறார். தடம், மீகாமன் போன்ற படங்களை இயக்கிய இயக்குநர் மகிழ் திருமேனி விடாமுயற்சி படத்தையும் இயக்கி வருகிறார்.
இந்த படத்தில் நடிகர் அஜித்துடன் நடிகர் ஆரவ், அர்ஜுன், ரெஜினா கசன்ரா உள்ளிட்ட பலர் கலந்து கொண்டு நடித்து வருகின்றனர். ஆக்சன் திரில்லர் கதையில் உருவாகி வரும் இந்த படத்தின் படப்பிடிப்பு தொடர்ந்து அஜர்பைஜானில் நடைபெற்று வருகிறது.
மேலும், இந்த படத்திற்கு ஒளிப்பதிவு செய்து வந்த நீரவ்ஷா படத்திலிருந்து வெளியேறி ஓம் பிரகாஷ் நியமிக்கப்பட்டார்.அக்டோபர் மாதம் தொடங்கப்பட்ட விடாமுயற்சி படப்பிடிப்பு தற்போது இறுதிக் கட்டத்தை நெருங்கிவிட்டது. தற்போது விடாமுயற்சி படத்தின் அப்டேட் ஒன்று வந்துள்ளது.
அதாவது படப்பிடிப்பு இன்னும் 30 நாட்கள் மட்டுமே நடைபெற உள்ள நிலையில் மார்ச் மாதத்தோடு விடாமுயற்சி படத்தின் அனைத்து கட்ட படப்பிடிப்பும் முடிந்துவிடும் என்று படக்குழுவில் கூறினர்.
இந்நிலையில் தற்போது விடாமுயற்சி படத்தின் முதல் போஸ்டர் காதலர் தினத்தன்று அதாவது பிப்ரவரி 14ஆம் தேதி அன்று வெளியாகும் என தகவல் வெளியாகியுள்ளது. இதை அறிந்த அஜித் ரசிகர்கள் மகிழ்ச்சியின் உச்சத்தில் உள்ளனர்.
