இந்தியாவில் நடைபெற்று வரும் புரோ கபடி தொடரில், நேற்றையப் போட்டியில் ஹரியானா ஸ்டீலர்ஸ் மற்றும் ஜெய்ப்பூர் பிங்க் பாந்தர்ஸ் அணிகள் வெற்றி பெற்றன.
இந்தியாவில் உள்ள மாநிலங்களுக்கிடையே கபடி லீக் தொடர் நடைபெற்று வருகிறது. இதில், மொத்தம் 12 அணிகள் பங்குபெற்று விளையாடி வருகின்றன.
இந்த தொடரில், பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்கேற்றுள்ளன.
இந்த நிலையில், நேற்று இரண்டு போட்டிகள் நடைபெற்றது. இதில் முதல் போட்டி இரவு 8 மணிக்கு ஹரியானாவில் நடைபெற்றது. இதில் ஹரியானா ஸ்டீலர்ஸ் – பாட்னா பைரேட்ஸ் அணிகள் விளையாடின.
பரபரப்பாக நடைப்பெற்ற இந்தப் போட்டியில் ஹரியானா ஸ்டீலர்ஸ் அணி 39-32 என்ற கணக்கில் பாட்னா பைரேட்ஸ் அணியை வீழ்த்தியது.
இதை தொடர்ந்து நேற்று நடைபெற்ற மற்றொரு போட்டியில் தெலுங்கு டைட்டன்ஸ் – ஜெய்ப்பூர் பிங்க் பாந்தர்ஸ் அணிகள் விளையாடின.
இந்த போட்டியில் ஆரம்பத்தில் இருந்தே ஜெய்ப்பூர் பிங்க் பாந்தர்ஸ் அணி புள்ளிகளை எடுக்க தொடங்கியது. போட்டி முடிவில் ஜெய்ப்பூர் பிங்க் பாந்தர்ஸ் அணி 51-44 என்று தெலுங்கு டைட்டன்ஸ் அணியை வீழ்த்தி அபார வெற்றி பெற்றது.
இந்த வெற்றி மூலம் இரண்டாவது இடத்தில இருந்த ஜெய்ப்பூர் பிங்க் பாந்தர்ஸ் அணி முதல் இடத்திற்கு சென்றுள்ளது.
