டெல்லியில் உள்ள படேல் நகர் – தயாபஸ்தி வழித்தடத்தில், ஜாகிரா மேம்பாலம் அருகே வந்து கொண்டிருந்த சரக்கு ரயில் தடம்புரண்டு விபத்துக்குள்ளானது.
டெல்லியில் உள்ள படேல் நகர் – தயாபஸ்தி வழித்தடத்தில், சரக்கு ரயில் தடம் புரண்டது. ஜாகிரா மேம்பாலம் அருகே வந்து கொண்டிருந்தபோது ரயிலின் 8 பெட்டிகள் தடம் புரண்டு விபத்துக்குள்ளானது.
இதுகுறித்து அப்பகுதியில் இருந்தவர்கள் ரயில்வே போலீசாருக்கு தகவல் கொடுத்தனர். தகவலின் பேரில் விரைந்து வந்த ரயில்வே போலீசார், ரயில்வே ஊழியர்களின் உதவியுடன் தடம் புரண்ட ரயில் பெட்டிகளை அப்புறப்படுத்தும் பணியில் தீவிரமாக ஈடுபட்டுள்ளனர்.
சரக்கு ரயில் என்பதால், உயிர் சேதம் ஏதும் ஏற்படவில்லை என ரயில்வே அதிகாரிகள் தெரிவித்துள்ளனர். ரயில் விபத்துக்குள்ளான பகுதியில் ரயில் சேவை பாதிக்கப்பட்டுள்ளது. மேலும், ஒரு சில ரயில்கள் வேறு பாதையில் இயக்கப்படுகிறது. அந்த பகுதியில் சில ரயில்கள் தாமதமாக இயக்கப்பட்டு வருகிறது.
