மகளிர் பிரீமியர் லீக் தொடரில் ராயல் சேலஞ்சர்ஸ் பெங்களூரு அணி 23 ரன்கள் வித்தியாசத்தில் உ.பி. வாரியர்ஸ் அணியை வீழ்த்தி வெற்றி பெற்றது.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்று வருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், ராயல் சேலஞ்சர்ஸ் பெங்களூரு ஆகிய 5 அணிகள் பங்கேற்றுள்ளன.
இந்த தொடரில் 11வது போட்டி நேற்று பெங்களூரு சின்னசாமி மைதானத்தில் நடைபெற்றது. இதில் ராயல் சேலஞ்சர்ஸ் பெங்களூரு மற்றும் உ.பி. வாரியர்ஸ் அணிகள் விளையாடியது.
இதில் டாஸ் வென்ற உ.பி. வாரியர்ஸ் அணி முதலில் பபந்துவீச்சை தேர்வு செய்தது. அதன்படி முதலில் பேட்டிங் செய்த பெங்களூரு அணி 20 ஓவர்களில் முடிவில் 3 விக்கெட்கள் இழப்பிற்கு 198 ரன்களை எடுத்தது.
இதில் அதிகபட்சமாக ஸ்மிருதி மந்தனா 10 பௌண்டரீஸ் மற்றும் 3 சிக்சர்கள் என மொத்தமாக 50 பந்துகளில் 80 ரன்களை அடித்தார். அதேபோல் எல்லிஸ் பெர்ரி 4 சிக்சர்கள் மற்றும் 4 பௌண்டரீஸ் என மொத்தமாக 37 பந்துகளில் 58 ரன்களை எடுத்தார்.
மேகனா 28 ரன்கள் எடுத்து ஆட்டமிழக்க ரிச்சா கோஷ் 21 ரன்களை எடுத்து கடைசிவரை ஆட்டமிழக்காமல் இருந்தார். இதனால் பெங்களூரு அணி 20 ஓவர்களில் முடிவில் 3 விக்கெட்கள் இழப்பிற்கு 198 ரன்களை எடுத்தது.
உ.பி. வாரியர்ஸ் அணியில் அஞ்சலி, தீப்தி சர்மா, சோஃபி எக்லெஸ்டோன் ஆகியோர் தலா 1 விக்கெட்டை வீழ்த்தினர். இதனால் உ.பி. அணிக்கு 199 என்ற கடின இலக்கு நிர்ணயிக்கப்பட்டது.
இதை தொடர்ந்து களமிறங்கிய உ.பி. அணியில் தொடக்க வீராங்கனைகளாக அலிசா ஹீலி மற்றும் கிரண் நவ்கிரே விளையாடினர்.
இதில் கிரண் நவ்கிரே 18 ரன்களில் ஆட்டமிழக்க பின்னர் களமிறங்கிய வீராங்கனைகள் அடுத்தடுத்து ஆட்டமிழந்தனர். பின்னர் தொடக்க வீராங்கனையாக களமிறங்கிய அலிசா ஹீலி 7 பௌண்டரீஸ் மற்றும் 3 சிக்சர்கள் என மொத்தமாக 55 ரன்களை எடுத்து ஆட்டமிழந்தார்.
இதேபோல் தீப்தி சர்மா 33 ரன்களிலும், பூனம் 31 ரன்களிலும் ஆட்டமிழக்க 20 ஓவர்கள் முடிவில் உ.பி. அணி 8 விக்கெட்கள் இழப்பிற்கு 175 ரன்களை எடுத்து ஆட்டமிழந்தது.
பெங்களூரு அணியில் சோபான, ஜார்ஜியா, மோலினக்ஸ் மற்றும் டேவின் ஆகியோர் தலா 2 விக்கெட்களை வீழ்த்தினர். இதன் மூலம் பெங்களூரு அணி 23 ரன்கள் வித்தியாசத்தில் வெற்றி பெற்றது.
மேலும் இந்த போட்டியில் ஆட்டநாயகி விருது 10 பௌண்டரீஸ் மற்றும் 3 சிக்சர்கள் என மொத்தமாக 50 பந்துகளில் 80 ரன்களை அடித்த ஸ்மிருதி மந்தனாவுக்கு வழங்கப்பட்டது.
