மகளிர் பிரீமியர் லீக் டி20 கிரிக்கெட் தொடரின் இன்றையப் போட்டியில் டெல்லி அருண் ஜெட்லி மைதானத்தில் மும்பை இந்தியன்ஸ் – ராயல் சேலஞ்சர்ஸ் பெங்களூரு அணிகள் விளையாடவுள்ளன.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்று வருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், ராயல் சேலஞ்சர்ஸ் பெங்களூரு ஆகிய 5 அணிகள் பங்கேற்றுள்ளன.
இந்த தொடரில் 21-வது போட்டியான அரையிறுதி போட்டி இன்று டெல்லி அருண் ஜெட்லி மைதானத்தில் நடைபெறவுள்ளது. இதில் மும்பை இந்தியன்ஸ் மற்றும் ராயல் சேலஞ்சர்ஸ் பெங்களூரு அணிகள் விளையாடவுள்ளது.
இந்த தொடரில் ஹர்மன் ப்ரீத் தலைமையிலான மும்பை அணி தாங்கள் விளையாடிய 8 போட்டிகளில் 5 போட்டிகளில் வெற்றியும் 3 போட்டிகளில் தோல்வியும் கண்டுள்ளது.
அதேபோல் ராயல் சேலஞ்சர்ஸ் பெங்களூரு அணி இந்த தொடரில் தாங்கள் விளையாடிய 8 போட்டிகளில் 4 வெற்றி மற்றும் 4 தோல்வியை பெற்றுள்ளது.
இவ்விரு அணிகளும் இதுவரை 4 முறை நேருக்கு நேர் மோதியுள்ளது. இதில் மும்பை இந்தியன்ஸ் அணி 3 முறையும் ராயல் சேலஞ்சர்ஸ் பெங்களூரு அணி 1 முறை வெற்றி பெற்றுள்ளன.
மேலும் இப்போட்டியில் வெற்றிபெறும் அணி இறுதிப்போட்டிக்கு முன்னேறும். இறுதிப்போட்டி வரும் 17 ஆம் தேதி டெல்லியில் நடைபெறவுள்ளது. ஏற்கனவே டெல்லி அணி இறுதிப்போட்டிக்கு முன்னேறியுள்ளது குறிப்பிடத்தக்கது.
