இலங்கைக் கடற்படையினரால் கைது செய்யப்பட்ட இராமேஸ்வரத்தைச் சேர்ந்த 21 மீனவர்களையும் , அவர்களது படகுகளையும் விடிவிக்க நடவடிக்கை எடுக்க வேண்டும் என மத்திய வெளியுறவுத்துறை அமைச்சர் எஸ்.ஜெய்சங்கருக்கு பாஜக மாநில தலைவர் அண்ணாமலை கடிதம் எழுதியுள்ளார்.
இது குறித்து அவர் எழுதியுள்ள கடிதத்தில்,
இலங்கை கடற்படையினரால் கைது செய்யப்பட்டுள்ள தமிழக மீனவர்களுக்கு உடனடி சட்ட உதவிகளை வழங்கிய மத்திய வெளியுறவுத்துறைக்கு எங்களது மனமார்ந்த நன்றியை தெரிவித்துக் கொள்கிறோம்.
தமிழகத்தின் இராமேஸ்வரத்தைச் சேர்ந்த 21 மீனவர்கள் இலங்கைக் கடற்படையினரால் சிறைபிடிக்கப்பட்டதையும், 2 மீன்பிடி படகுகளையும் (IND-TN-10-MM-35, IND- TN-10-MM-302) கைது செய்ததை உங்கள் கவனத்திற்குக் கொண்டு வருகிறோம்.
இலங்கைக் கடற்படையினரால் கைது செய்யப்பட்ட இராமேஸ்வரத்தைச் சேர்ந்த 21 மீனவர்களையும், அவர்களின் மீன்பிடி படகை விடுவிக்க, மத்திய வெளியுறவுத்துறை மூலம் நடவடிக்கை எடுக்க வேண்டும் எனத் தெரிவித்துள்ளார்.
