ஆஸ்திரேலியாவில் பிரதமர் மோடிக்கு ஆதரவாக பிரச்சாரம்!

ஆஸ்திரேலியாவில் பிரதமர் மோடிக்கு ஆதரவாக (மோடி 2024:) வெளிநாட்டில் வாழும் பாஜகவினர் பிரச்சாரத்தை தொடங்கியுள்ளனர்.

மக்களவை தேர்தல் வரும் ஏப்ரல் மாதம் 19ம் தேதி முதல் 7 கட்டங்களாக ஜூன் 1ம் தேதி வரை நடைபெறுகிறது. இதற்கான வேட்புமனு தாக்கல் தொடங்கியுள்ளது.

பாஜக கட்சி சார்பில்  மக்களவைத் தேர்தலில் போட்டியிடும் வேட்பாளர்களின் பெயர்களை அறிவித்து, பிரசாரத்தை தொடங்கி உள்ளது.

இந்நிலையில் ஆஸ்திரேலியாவில் புலம்பெயர்ந்த பாஜகவினர் ‘மோடி 2024’ என்ற தலைப்பில், நாட்டின் ஏழு முக்கிய நகரங்களில் பிரச்சாரத்தை தொடங்கினர்.

Overseas Friends of BJP Australia has launched massive campaign from iconic locations like Sydney Harbour Bridge, Melbourne Cricket Ground , Perth Optus stadium , Brisbane GABBA, Surfers Paradise in Gold Coast, Mt Ainslie in Canberra and Naval Memorial Garden in Adelaide. pic.twitter.com/J6AGe9XmHM

— OFBJP Australia( Modi ka Parivaar) (@OFBJPAus) March 24, 2024

ஆஸ்திரேலியாவில் “சிட்னி துறைமுகப் பாலம், மெல்போர்ன் கிரிக்கெட் மைதானம், பெர்த் ஆப்டஸ் ஸ்டேடியம், பிரிஸ்பேன் காபா, கோல்ட் கோஸ்டில் உள்ள சர்ஃபர்ஸ் பாரடைஸ், கான்பெராவில் உள்ள மவுண்ட் ஐன்ஸ்லி, அடிலெய்டில் உள்ள கடற்படை நினைவுத் தோட்டம் ஆகிய இடங்களில் பாஜகவினர் மிகப்பெரிய பிரச்சாரத்தை மேற்கொண்டனர்.

பிரதமர் மோடிக்கு ஆதரவு தெரிவித்து கோஷங்களை வெளிப்படுத்தினர், தங்களை பிரதமர் மோடியின் குடும்பமாக அடையாளப்படுத்தினர்.

மேலும் நாங்கள் பிரதமர் மோடியின் குடும்பம் என்று கோஷமிட்டனர். மேலும் பிரதமர் மோடி விஸ்வ குருவாக திகழ்கிறார் எனப் பிரச்சாரம் செய்தனர். இந்த பிராசாரம் மூலம் உலகம் முழுவதும் பிரதமர் மோடியின் அலையை காணமுடிகிறது.