2024 ஐபிஎல் தொடரின் மீதமுள்ள போட்டிகளுக்கான அட்டவணை இன்று மாலை வெளியிடப்படும் என்ற தகவல் வந்துள்ளது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் பங்கேற்றுள்ளன.
முன்னதாக கடந்த மாதம் ஐபிஎல் தொடருக்கான அட்டவணை வெளியிப்பட்டது. அதில் முதல் 21 போட்டிகளுக்கான அட்டவணை மட்டுமே இருந்தது.
மீதமுள்ள போட்டிகளுக்கான அட்டவணை நாடாளுமன்ற தேர்தல் தேதி அறிவிப்புக்கு பிறகு அறிவிக்கப்படும் என்று கூறப்பட்டது.
இந்நிலையில் சமீபத்தில் நாடுளுமன்ற தேர்தலுக்கான தேதி அறிவிக்கப்பட்டது. அதன்படி தேர்தல் 7 கட்டமாக நடைபெறவுள்ளது. தமிழகத்தில் வரும் ஏப்ரல் 19 ஆம் தேதி தேர்தல் நடைபெறும் என்று அறிவிக்கப்பட்டது.
இந்நிலையில் இன்று மாலை மீதமுள்ள ஐபிஎல் போட்டிகளுக்கான அட்டவணை வெளியிடப்படும் என்ற தகவல் வெளியாகியுள்ளது.
முன்னதாக இந்த முறை இறுதிப்போட்டி சென்னை சேப்பாக்கம் மைதானத்தில் நடைபெறும் என்ற தகவலும் வந்தது குறிப்பிடத்தக்கது.
