2024 ஐபிஎல் தொடரின் 14வது போட்டியில் 6 விக்கெட்கள் வித்தியாசத்தில் ராஜஸ்தான் ராயல்ஸ் அணி மும்பை இந்தியன்ஸ் அணியை வீழ்த்தியது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துகொண்டுள்ளன.
இந்த தொடரின் 14வது போட்டி மும்பை வான்கடே மைதானத்தில் மும்பை இந்தியன்ஸ் மற்றும் ராஜஸ்தான் ராயல்ஸ் அணிகள் விளையாடியது.
இதில் டாஸ் வென்ற ராஜஸ்தான் ராயல்ஸ் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த மும்பை இந்தியன்ஸ் அணி 20 ஓவர்கள் முடிவில் 9 விக்கெட்கள் இழப்பிற்கு 125 ரன்களை எடுத்தது.
இதில் தொடக்க வீரராக களமிறங்கிய இஷான் கிஷன் 16 ரன்களில் ஆட்டமிழந்தார். மற்றொரு தொடக்க வீரரான ரோஹித் சர்மா டக் அவுட் ஆனார்.
பின்னர் களமிறங்கிய நமன் மற்றும் டெவால்ட் ப்ரெவிஸ் அடுத்தடுத்து டுக் அவுட் ஆனார். இதனால் மும்பை இந்தியன்ஸ் அணி 14/3 என திணறி வந்தது.
பின்னர் களமிறங்கிய திலக் வர்மா 32 ரன்களும், ஹர்திக் பாண்டியா 34 ரன்களும் எடுத்து அணிக்கு சற்று ரன்களை சேர்ந்தனர். பின்னர் களமிறங்கிய டிம் டேவிட் 17 ரன்களில் ஆட்டமிழக்க 20 ஓவர்கள் முடிவில் மும்பை இந்தியன்ஸ் அணி 9 விக்கெட்கள் இழப்பிற்கு 125 ரன்களை எடுத்தது.
ராஜஸ்தான் ராயல்ஸ் அணியில் அதிகபட்சமாக டிரென்ட் போல்ட் மற்றும் யுவேந்திர சாஹல் ஆகியோர் தலா 3 விக்கெட்களை வீழ்த்தினர்.
அதேபோல் நந்த்ரே பர்கர் 2 விக்கெட்களும், ஆவேஷ் கான் 1 விக்கெட்டை வீழ்த்தினர். இதனால் ராயல் சேலஞ்சர்ஸ் அணிக்கு 126 என்ற எளிய இலக்கு நிர்ணயிக்கப்பட்டது.
இதை தொடர்ந்து களமிறங்கிய ராஜஸ்தான் ராயல்ஸ் அணியின் தொடக்க வீரரான ஜெய்ஸ்வால் 10 ரன்களில் ஆட்டமிழக்க மற்றொரு தொடக்க வீரரான ஜோஸ் பட்டலர் 12 ரன்களில் ஆட்டமிழந்தார். அதேபோல் ராஜஸ்தான் ராயல்ஸ் அணியின் கேப்டன் சஞ்சு சாம்சன் 13 ரன்களில் ஆட்டமிழந்தார்.
தொடர்ந்து களமிறங்கிய ரியான் பராக் 5 பௌண்டரீஸ் மற்றும் 3 சிக்சர்கள் என 54 ரன்களை எடுத்து கடைசி வரை ஆட்டமிழக்காமல் இருந்தார்.
தமிழக வீரரான ரவிச்சந்திர அஸ்வின் 16 ரன்கள் எடுத்து ஆட்டமிழக்க பின்னர் களமிறங்கிய ஷுபம் துபே 8 ரன்களுடன் ஆட்டமிழக்காமல் இருந்தார்.
இதனால் ராஜஸ்தான் ராயல்ஸ் அணி 16வது ஓவரில் 4 விக்கெட்கள் இழப்பிற்கு 127 ரன்களை எடுத்து 6 விக்கெட்கள் வித்தியாசத்தில் வெற்றி பெற்றது. மேலும் இந்த போட்டியில் 3 விக்கெட்களை வீழ்த்திய ட்ரெண்ட் போல்டுக்கு ஆட்டநாயகன் விருது வழங்கப்பட்டது.
