குஜராத் டைட்டன்ஸ் அணிக்கு எதிரான போட்டியில் லக்னோ சூப்பர் ஜெயண்ட்ஸ் அணி 33 ரன்கள் வித்தியாசத்தில் வெற்றி பெற்றது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.
இந்த தொடரின் 21-வது போட்டி லக்னோ ஏகானா மைதானத்தில் லக்னோ சூப்பர் ஜெயண்ட்ஸ் மற்றும் குஜராத் டைட்டன்ஸ் அணிகளுக்கு இடையே நடைபெற்றது .
இதில் டாஸ் வென்ற லக்னோ சூப்பர் ஜெயண்ட்ஸ் அணி முதலில் பேட்டிங்கை தேர்வு செய்தது. அதன்படி முதலில் பேட்டிங் செய்த லக்னோ சூப்பர் ஜெய்ன்ட்ஸ் அணி 20 ஓவர்கள் முடிவில் 5 விக்கெட்கள் இழப்பிற்கு 163 ரன்களை எடுத்தது.
இதில் அதிகபட்சமாக மார்கஸ் ஸ்டோய்னிஸ் 58 ரன்களும், கே.எல்.ராகுல் 33 ரன்களும், ஆயுஷ் படோனி 20 ரன்களும் எடுத்து ஆட்டமிழக்க பூரான் 32 ரங்களுடன் ஆட்டமிழக்காமல் இருந்தார்.
இதனால் லக்னோ சூப்பர் ஜெய்ன்ட்ஸ் அணி 20 ஓவர்கள் முடிவில் 5 விக்கெட்கள் இழப்பிற்கு 163 ரன்களை எடுத்தது. தொடர்ந்து களமிறங்கிய குஜராத் டைட்டன்ஸ் அணி 19 வது ஓவரில் அனைத்து விக்கெட்களையும் இழந்து 130 ரன்களை மட்டுமே எடுத்தது.
இதில் அதிகபட்சமாக சாய் சுதர்சன் 31 ரன்களும், ராகுல் 30 ரன்களும், கில் 19 ரன்களும், விஜய் ஷங்கர் 17 ரன்களும் என அடுத்தடுத்து ஆட்டமிழந்து வந்தனர்.
அதேபோல் லக்னோ சூப்பர் ஜெய்ன்ட்ஸ் அணியின் யாஷ் தாக்கூர் அட்டகாசமாக பந்துவீசி 5 விக்கெட்களை வீழ்த்தினார். அதேபோல் க்ருனால் பாண்டியா 3 விக்கெட்களை வீழ்த்தினார்.
இதனால் லக்னோ சூப்பர் ஜெய்ன்ட்ஸ் அணி 33 ரன்கள் வித்தியாசத்தில் வெற்றி பெற்றது. மேலும் இந்த போட்டியில் 5 விக்கெட்களை வீழ்த்திய லக்னோ சூப்பர் ஜெய்ன்ட்ஸ் அணியின் வீரர் யாஷ் தாக்கூருக்கு வழங்கப்பட்டது.
