2024 ஐபிஎல் தொடரின் இன்றையப் போட்டி ஜெய்ப்பூர் மைதானத்தில் ராஜஸ்தான் ராயல்ஸ் மற்றும் குஜராத் டைட்டன்ஸ் அணிகளுக்கு இடையே நடைபெறவுள்ளது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.
இந்த தொடரில் சஞ்சு சாம்சன் தலைமையிலான ராஜஸ்தான் ராயல்ஸ் அணி தாங்கள் விளையாடி 4 போட்டிகளில் 4 போட்டிகளிலும் வெற்றி பெற்று புள்ளி பட்டியலில் முதல் இடத்தில் உள்ளது.
இந்நிலையில் இன்றையப் போட்டி இன்று இரவு 7.30 மணிக்கு ஜெய்ப்பூரில் ராஜஸ்தான் ராயல்ஸ் மற்றும் குஜராத் டைட்டன்ஸ் அணிகளுக்கு இடையே நடைபெறவுள்ளது.
இவ்விரு அணிகளும் இதுவரை 5 போட்டிகளில் நேருக்கு நேர் விளையாடிவுள்ளது. இதில் குஜராத் டைட்டன்ஸ் அணி 4 போட்டிகளில் வெற்றி பெற்றுள்ளது. ராஜஸ்தான் ராயல்ஸ் அணி 1 போட்டியில் வெற்றி பெற்றுள்ளது.
ஜெய்ப்பூர் மைதானத்தில் ராஜஸ்தான் ராயல்ஸ் அணி இதுவரை 55 போட்டிகளில் விளையாடி 36 போட்டிகளில் வெற்றியும், 19 போட்டிகளில் தோல்வியும் பெற்றுள்ளது.
அதேபோல் குஜராத் டைட்டன்ஸ் அணி ஜெய்ப்பூர் மைதானத்தில் இதுவரை 1 போட்டிகளில் விளையாடி 1 போட்டியில் வெற்றி பெற்றுள்ளது.
