2024 ஐபிஎல் தொடரின் இன்றையப் போட்டி மும்பை வான்கடே மைதானத்தில் மும்பை இந்தியன்ஸ் மற்றும் ராயல் சேலஞ்சர்ஸ் பெங்களூரு அணிகளுக்கு இடையே நடைபெறவுள்ளது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.
இதில் 25-வது போட்டி இன்று மும்பை வான்கடே மைதானத்தில் இரவு 7.30 மணிக்கு தொடங்கவுள்ளது. இதில் மும்பை இந்தியன்ஸ் மற்றும் ராயல் சேலஞ்சர்ஸ் பெங்களூர் அணிகள் விளையாடவுள்ளன.
இவ்விரு அணிகளும் இதுவரை 32 போட்டிகளில் விளையாடியுள்ளது. இதில் ராயல் சேலஞ்சர்ஸ் பெங்களூரு அணி 14 போட்டிகளிலும். மும்பை இந்தியன்ஸ் அணி 18 போட்டிகளிலும் வெற்றி பெற்றுள்ளது.
மும்பை இந்தியன்ஸ் அணி மும்பை வான்கடே மைதானத்தில் இதுவரை 80 போட்டிகளில் விளையாடி 49 போட்டிகளில் வெற்றியும் 30 போட்டிகளில் தோல்வியும் அடைந்துள்ளது. 1 போட்டி சமனில் முடிந்துள்ளது.
அதேபோல் ராயல் சேலஞ்சர்ஸ் பெங்களூரு அணி மும்பை வான்கடே மைதானத்தில் 17 போட்டிகளில் விளையாடியுள்ளது. இதில் பெங்களூரு அணி 8 போட்டிகளில் வெற்றியும் 9 போட்டிகளில் தோல்வியும் அடைந்துள்ளது.
அதேபோல் இவ்விரு அணிகளும் மும்பை வான்கடே மைதானத்தில் இதுவரை 10 போட்டிகளில் நேருக்கு நேர் மோதியுள்ளது. இதில் மும்பை இந்தியன்ஸ் அணி 7 போட்டிகளிலும், ராயல் சேலஞ்சர்ஸ் பெங்களூரு அணி 3 போட்டிகளிலும் வெற்றி பெற்றுள்ளது.
நடப்பு ஐபிஎல் தொடர் பொறுத்தவரை மும்பை இந்தியன்ஸ் அணி தாங்கள் விளையாடிய 4 போட்டிகளில் 1 போட்டியில் வெற்றியும் மீதமுள்ள 3 போட்டிகளில் தோல்வியும் சந்தித்துள்ளது.
அதேபோல் ராயல் சேலஞ்சர்ஸ் பெங்களூரு அணியை பொறுத்தவரை அவர்கள் விளையாடிய 5 போட்டிகளில் 1 போட்டியில் வெற்றியும் 4 போட்டிகளில் தோல்வியும் அடைந்துள்ளது.
மேலும் இன்றையப் போட்டியில் மும்பை இந்தியன்ஸ் அணி 58% வெற்றி பெறும் என்றும் ராயல் சேலஞ்சர்ஸ் பெங்களூரு அணி 42% வெற்றி பெறும் என்றும் இணையத்தில் பதிவிட்டுள்ளது.
