டெல்லி கேபிட்டல்ஸ் அபார வெற்றி!

குஜராத் டைட்டன்ஸ் அணிக்கு எதிரான போட்டியில் டெல்லி கேபிட்டல்ஸ் அணி 6 விக்கெட்கள் வித்தியாசத்தில் அபார வெற்றி பெற்றது.

இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.

இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.

இந்த தொடரின் 32-வது போட்டி நேற்று அகமதாபாத், நரேந்திர மோடி மைதானத்தில் நடைபெற்றது. இதில் குஜராத் டைட்டன்ஸ் மற்றும் டெல்லி கேபிட்டல்ஸ் அணிகள் விளையாடியது.

இதில் டாஸ் வென்ற டெல்லி கேபிட்டல்ஸ் அணி பந்துவீச்சை தேர்வு செய்தது. அதன்படி முதலில் பேட்டிங் செய்த குஜராத் டைட்டன்ஸ் அணி 17.3 ஓவரில் அனைத்து விக்கெட்களும் இழந்து 89 ரன்களை மட்டுமே எடுத்தது.

இதில் அதிகபட்சமாக ரஷீத் கான் 31 ரன்களை எடுத்தார். அதேபோல் சாய் சுதர்சன் 12 ரன்கள் எடுத்தார். மற்ற வீரர்கள் சொற்ப ரன்களில் ஆட்டமிழந்தனர். டெல்லி கேபிட்டல்ஸ் அணியில் அதிகபட்சமாக முகேஷ் குமார் 3 விக்கெட்களை வீழ்த்தினார்.

அதேபோல் இஷான் சர்மா மற்றும் டிரிஸ்டன் ஸ்டப்ஸ் ஆகியோர் தலா 2 விக்கெட்களை வீழ்த்தினர். கலீல் அகமது மற்றும் அக்சார் படேல் ஆகியோர் தலா 1 விக்கெட்டை வீழ்த்தினர்.

இதனால் டெல்லி கேபிட்டல்ஸ் அணிக்கு 90 என்ற எளிய இலக்கு நிர்ணயிக்கப்பட்டது. பின்னர் களமிறங்கிய டெல்லி கேபிட்டல்ஸ் அணி 8.5 ஓவர்களில் 4 விக்கெட்கள் இழப்பிற்கு 92 ரன்களை எடுத்து வெற்றி பெற்றது.

இதில் அதிகபட்சமாக ப்ரேசர்-மெக்குர்க் 20 ரன்களும், ஷாய் ஹோப் 19 ரன்களும், ரிஷப் பந்த் 16 ரன்களும், அபிஷேக் 15 ரன்களும் எடுத்தனர். இதனால் டெல்லி கேபிட்டல்ஸ் அணி 6 ரன்கள் வித்தியாசத்தில் வெற்றி பெற்றது.