நீலகிரிக்கு வரும் சுற்றுலா பயணிகள் மற்றும் வாகனங்களின் எண்ணிக்கையை கண்காணிக்கவே இ-பாஸ் நடைமுறை செயல்படுத்தப்பட்டுள்ளதாக தலைமைச் செயலாளர் சிவ்தாஸ் மீனா தெரிவித்துள்ளார்.
உதகை மலர் கண்காட்சியை தொடங்கி வைக்கும் நிகழ்வுக்காக செல்லும் வழயில், தலைமைச் செயலாளர் சிவ்தாஸ் மீனா மேட்டுப்பாளையத்திற்கு சென்றார்.
அப்போது கல்லாரில் இ-பாஸ் நடைமுறைக்காக அமைக்கப்பட்டுள்ள சோதனைச் சாவடியில் அவர் ஆய்வு மேற்கொண்டார்.
பின்னர் செய்தியாளர்களிடம் பேசிய அவர், சுற்றுலாப் பயணிகள் ஆன்லைன் மூலம் விண்ணப்பித்தாலே உடனடியாக இ – பாஸ் கிடைக்கும் எனவும், இதில் எந்தவித கட்டுப்பாடுகளும் விதிக்கப்படவில்லை என தெரிவித்தார்.
நீலகிரிக்கு வரும் சுற்றுலா பயணிகள் மற்றும் வாகனங்களின் எண்ணிக்கையை கண்காணிக்கவே இ-பாஸ் நடைமுறை செயல்படுத்தப்பட்டுள்ளதால் யாரும் அச்சப்படத் தேவையில்லை எனவும் சிவதாஸ் மீனா கூறினார்.
