நாகை அருகே கொலை வழக்கில் தொடர்புடைய ஆறு பேர் மீது குண்டர் தடுப்புச் சட்டத்தின்கீழ் வழக்குப் பதிவு செய்யப்பட்டுள்ளது.
நாகப்பட்டினம் மாவட்டம் வேதாரண்யம் அருகேயுள்ள கருப்பம்புலத்தைச் சேர்ந்த சிவராஜா அண்மையில் கொலை செய்யப்பட்டார்.
இந்தக் கொலையில் தனுஷ்கோடி, சாம்ராஜ், ஆனந்த் உள்ளிட்ட 6 பேர் கைது செய்யப்பட்டனர். இந்நிலையில், மாவட்ட காவல் கண்காணிப்பாளர் ஹர்ஷ் சிங் பரிந்துரையின் பேரில், மாவட்ட ஆட்சியர் ஜானி டாம் வர்கீஸ் 6 பேரையும் குண்டர் தடுப்புச் சட்டத்தில் கைது செய்ய உத்தரவிட்டார். இதையடுத்து ஆறு பேரும் திருச்சி மத்திய சிறையில் அடைக்கப்பட்டனர்.
