மக்களவையில் தான் உரையாற்றும்போது முழக்கங்களை எழுப்பி இடையூறு செய்த எதிர்க்கட்சி உறுப்பினர்களுக்கு பிரதமர் மோடி தண்ணீர் வழங்கிய வீடியோ வைரலாகி வருகிறது.
குடியரசுத் தலைவரின் உரைக்கு நன்றி தெரிவிக்கும் தீர்மானத்தின் மீது நாடாளுமன்றத்தில் பிரதமர் மோடி பதிலுரை ஆற்றினார். அப்போது அவரது உரைக்கு இடையூறு செய்யும் வகையில், எதிர்க்கட்சி உறுப்பினர்கள் தொடர்ந்து முழக்கங்களை எழுப்பினர்.
ஒருகட்டத்தில், தனக்கு அருகே நின்று முழக்கமிட்டுக் கொண்டிருந்த எதிர்க்கட்சி உறுப்பினர்கள் சிலருக்கு, பிரதமர் மோடி தண்ணீர் வழங்கினார்.
அதனை வாங்கி பருகிவிட்டு எதிர்க்கட்சி எம்.பி. ஒருவர் மீண்டும் தனது முழக்கத்தை தொடர்ந்தார்.
