கோயம்பேட்டில் இருந்து மீண்டும் பேருந்துகளை இயக்குவது தொர்பாக தனி நீதிபதி முன்பு வழக்கு தொடர்ந்து நிவாரணம் பெறலாம் என வழக்கறிஞருக்கு சென்னை உயர்நீதிமன்றம் உத்தரவிட்டுள்ளது.
தூத்துக்குடி மாவட்டம் திருச்செந்தூரை சேர்ந்த ராம்குமார் என்பவர், கிளாம்பாக்கம் பேருந்து நிலையத்தில் உரிய வசதிகள் செய்துதரும் வரை மீண்டும் கோயம்பேட்டில் இருந்து பேருந்துகளை இயக்க வேண்டும் என சென்னை உயர்நீதிமன்றத்தில் வழக்கு தொடர்ந்திருந்தார்.
இந்த வழக்கு பொறுப்பு தலைமை நீதிபதி ஆர்.மகாதேவன் மற்றும் நீதிபதி முகமது சபீக் ஆகியோர் முன்னிலையில் விசாரணைக்கு வந்தது. அப்போது இருதரப்பு வாதங்களையும் கேட்ட நீதிபதிகள், மனுதாரர் இந்த வழக்கை வாபஸ் பெற்று, தன் கோரிக்கையை தனி நீதிபதி முன் வழக்காக தாக்கல் செய்து நிவாரணம் பெற்றுக்கொள்ளலாம் என உத்தரவிட்டார்.
