திருப்பத்தூர் மாவட்டம், நாட்றம்பள்ளி பகுதியில் சாலை விழிப்புணர்வு ஒலிப்பெருக்கியை அப்புறப்படுத்த வேண்டும் என பள்ளி மாணவர்கள் கோரிக்கை வைத்தனர்.
சென்னை- பெங்களூர் தேசிய நெடுஞ்சாலையில் விபத்துக்களை தவிர்க்கும் வகையில், GO SLOW என்ற விழிப்புணர்வு வாசகம் ஒலிப்பெருக்கியில் அடிக்கடி ஒலித்துக்கொண்டிருப்பதால் அங்குள்ள பள்ளியில் மாணவர்கள் கல்வி கற்க முடியவில்லை என கூறப்படுகிறது.
இது குறித்து புகாரளித்தும் நடவடிக்கை எடுக்கப்படவில்லை என தெரிவித்த மாணவர்கள், அரசு உரிய நடவடிக்கை மேற்கொள்ள வேண்டும் என கோரிக்கை வைத்தனர்.
