வயநாடு நிலச்சரிவு விவகாரத்தில் கேரள அரசுக்குத் தேவையான அனைத்து உதவிகளையும் மத்திய அரசு செய்து வருவதாக, மத்திய சுகாதாரத்துறை அமைச்சர் ஜெ.பி.நட்டா தெரிவித்துள்ளார்.
மாநிலங்களவையில் பேசிய மத்திய அமைச்சர் ஜெ.பி.நட்டா, வயநாட்டில் ஏற்பட்ட நிலச்சரிவினால் கேரளா மட்டுமல்லாமல், ஒட்டு மொத்த தேசமே கவலையில் உள்ளதாகத் தெரிவித்தார்.
மத்திய அரசு விரைந்து செயல்பட்டு, நிவாரணப் பணிகளுக்கு தேவையான அனைத்து உதவிகளையும் செய்து வருவதாகவும் ஜெ.பி.நட்டா தெரிவித்தார்.
பிரதமர் மோடி கேரள முதலமைச்சர் பினராயி விஜயனைத் தொடர்பு கொண்டு பேசியதாகவும், மாநில அரசுடன் ஒருங்கிணைந்து மீட்புப்பணிகள் துரிதமாக நடைபெற்று வருவதாகவும் ஜெ.பி.நட்டா தெரிவித்தார்.
கேரள அரசுக்குத் தேவையான அனைத்து உதவிகளும் செய்து தரப்படுமென, மத்திய அரசு சார்பில் தான் உறுதியளிப்பதாகவும் ஜெ.பி.நட்டா குறிப்பிட்டார்.
