மத்திய கல்வி அமைச்சகம் வெளியிட்டுள்ள 2024ம் ஆண்டுக்கான தேசிய கல்வி நிறுவன தரவரிசை கட்டமைப்பின் பட்டியலில் சென்னை ஐஐடி முதலிடம்
பிடித்துள்ளது.
இதுதொடர்பாக கருத்து தெரிவித்துள்ள ஐஐடி இயக்குநர் காமகோடி, சென்னை ஐஐடிக்கு கிடைத்துள்ள இந்த அங்கீகாரம், மாணவர்கள், ஆசிரியர்கள், முன்னாள் மாணவர்கள், பணியாளர்கள் என அனைவருடைய பங்களிப்பின் காரணமாக கிடைத்துள்ளதாக தெரிவித்துள்ளார்.
முழுமையான வெளிநாட்டு வளாகத்தை நிறுவிய முதல் ஐஐடி, சென்னை ஐஐடி தான் எனவும், கடந்த கல்வியாண்டில் 435 கண்டுபிடிப்புகளுக்கு காப்புரிமை பெறப்பட்ட நிலையில், இந்தாண்டு 378 தயாரிப்புகளுக்கு காப்புரிமை கோரப்பட்டுள்ளதாகவும் அவர் தகவல் அளித்துள்ளார்.
மேலும், கல்வி மற்றும் கண்டுபிடிப்புகளால், தேசத்தின் முன்னேற்றத்துக்கு உதவுவதில் உறுதியாக உள்ளதாகவும் அவர் தெரிவித்துள்ளார்.
