வங்கதேசத்தில் இந்துக்கள் வன்முறையை எதிர்கொள்வதாகவும், அவர்களின் நலனை மத்திய அரசு உறுதி செய்ய வேண்டும என ஆர்எஸ்எஸ் தேசிய தலைவர் மோகன் பகவத் வலியுறுத்தியுள்ளார்.
மகாரஷ்டிரா மாநிலம் நாக்பூரில் உள்ள ஆர்எஸ்எஸ் தலைமை அலுவலத்தில் தேசிய தலைவர் மோகன் பகவத் தேசிய கொடி ஏற்றி வைத்தார். நிகழ்ச்சியில் பேசிய அவர், வருங்கால தலைமுறைக்கு சுதந்திரத்தை பாதுகாக்க வேண்டிய கடமை உள்ளதாக தெரிவித்தார்.
எப்போதும் மற்ற நாடுகளின் மீது ஆதிக்கம் செலுத்த விரும்பும் மக்கள் உள்ளதகாவும், எனவே நாம் எச்சரிக்கையாகவும் கவனமாகவும் இருக்க வேண்டும் என்றும் அவர் தெரிவித்தார். அவர்களிடமிருந்து நம்மைப் பாதுகாத்துக் கொள்ள வேண்டும் என்றும் அவர் கூறினார்.
மற்றவர்களுக்கு உதவும் பாரம்பரியம் இந்தியாவுக்கு உண்டு என்றும், கடந்த சில ஆண்டுகளாக இந்தியா எந்த நாட்டின் மீது தாக்குதல் நடத்தவில்லை என்றும் அவர் தெரிவித்தார்.
அண்டை நாட்டில் சிறுபான்மையின மக்கள் தாக்குதலுக்கு ஆளாவதாகவும், அவர்களை பாதுகாக்க மத்திய அரசு நடவடிக்கை எடுக்க வேண்டும் என்றும் மோகன் பகவத் கூறினார்
