மருத்துவமனையில் சிகிச்சை பெற்று வரும் நடிகர் ரஜினிகாந்த் பூரண குணமடைய வேண்டி, திருவொற்றியூர் வடிவுடையம்மன் கோயிலில் அவரது மகள் சௌந்தர்யா சிறப்பு பிரார்த்தனை நடத்தினார்.
நடிகர் ரஜினிகாந்த் உடல் நலக்குறைவு காரணமாக சென்னையில் உள்ள தனியார் மருத்துவமனையில் சிகிச்சை பெற்று வருகிறார். அவரது உடல் நிலை சீரானதை அடுத்து நாளை டிஸ்சார்ஜ் ஆவார் என மருத்துவனை நிர்வாகம் தெரிவித்துள்ளது.
இந்நிலையில், ரஜினிகாந்தின் இளைய மகள் சௌந்தர்யா தனது கணவருடன் வடிவுடையம்மன் கோயிலில் சிறப்பு பிரார்த்தனையில் ஈடுபட்டார். இதற்கிடையே, கோயிலுக்கு வந்த பக்தர்கள் சிலர் அவரிடம் ரஜினிகாந்தின் நலம் குறித்து விசாரித்தனர்.
