அல்ஜீரியாவில் சுற்றுப்பயணம் மேற்கொண்ட குடியரசு தலைவர் திரெளபதி முர்முவுக்கு அந்நாட்டு அதிபர் மாளிகையில் ராணுவ அணிவகுப்பு மரியாதை அளிக்கப்பட்டது.
மூன்று நாள் சுற்றுப்பயணமாக ஆப்பிரிக்க நாடுகளுக்கு குடியரசு தலைவர் திரெளபதி முர்மு சென்றுள்ளார். அந்த வகையில், அல்ஜீரியா தலைநகர் அல்ஜியர்ஸ் சென்றடைந்த அவருக்கு உற்சாக வரவேற்பு அளிக்கப்பட்டது.
பின்னர், அங்குள்ள இந்திய வம்சாவளியினருடன் குடியரசுத் தலைவர் திரெளபதி முர்மு கலந்துரையாடினார்.
அதைத்தொடர்ந்து அல்ஜீரியா அதிபர் மாளிகையில் அந்நாட்டு அதிபர் அப்துல் மட்ஜித்தை குடியரசு தலைவர் சந்தித்தார். முன்னதாக அதிபர் மாளிகையில் அளிக்கப்பட்ட ராணுவ அணிவகுப்பு மரியாதையை திரெளபதி முர்மு ஏற்றுக்கொண்டார்.
