தீபாவளி பண்டிகையையொட்டி தமிழகத்தில் இரண்டு நாட்களில் டாஸ்மாக் மூலம் 438 கோடிக்கு மதுபானம் விற்பனையாகி உள்ளதாக தகவல் வெளியாகியுள்ளது.
தீபாவளி பண்டிகை நாடு முழுவதும் நேற்று முன்தினம் உற்சாகமாக கொண்டாடப்பட்டது. இந்நிலையில் தீபாவளி பண்டிகையையொட்டி தமிழகத்தில் இரண்டு நாட்களில் டாஸ்மாக் மூலம் 438 கோடிக்கு மதுபானம் விற்பனையாகி உள்ளதாக தகவல் வெளியாகியுள்ளது.
அதன்படி, தீபாவளிக்கு முந்தைய நாளான 30-ம் தேதி சுமார் 203 கோடிக்கும், தீபாவளி நாளான 31-ம் தேதி ரூ.236 கோடிக்கும் மதுபானம் விற்பனையாகி உள்ளதாக தெரிவிக்கப்பட்டுள்ளது.
மேலும் கடந்த ஆண்டு மதுரை மண்டலத்தில் அதிகமாக விற்பனையான நிலையில், தற்போது இந்த ஆண்டு அதிகபட்சமாக சென்னை மண்டலத்தில், 101.34 கோடிக்கு மதுபானம் விற்பனை செய்யப்பட்டுள்ளதாக தகவல் வெளியாகியுள்ளது.
