சிவகங்கை அருகே அதிமுக கிளை செயலாளர் கொலையை கண்டித்து எம்.எல்.ஏ தலைமையில் சாலை மறியல் செந்தில்நாதன் தலைமையில் அக்கட்சியினர் சாலை மறியல் போராட்டத்தில் ஈடுபட்டனர்.
சிவகங்கை மாவட்டத்தில் உள்ள நாட்டார்குடி கிராமத்தைச் சேர்ந்தவர் கணேசன். அதிமுக கிளைச் செயலாளராக பொறுப்பு வகித்து வந்த இவர், அதே பகுதியில் பெட்டிக்கடை நடத்தி வந்தார்.
இந்நிலையில், இன்று அதிகாலை பெட்டிக்கடையை திறக்க வந்த கணேசனை, அங்கிருந்த மர்ம நபர் ஒருவர் வெட்டி படுகொலை செய்துவிட்டு தப்பிச் சென்றார். முன்னதாக மர்ம நபரால் வெட்டப்பட்ட நாட்டார்குடி கிராமத்தைச் சேர்ந்த பாலு என்பவர், காலில் பலத்த காயங்களுடன் மருத்துவமனையில் சிகிச்சை பெற்று வருகிறார்.தகவலறிந்து வந்த திருப்பாச்சேத்தி காவல்துறையினர் உடலை கைப்பற்றி விசாரணை நடத்தி வருகின்றனர்.
முதற்கட்ட விசாரணையில் கோயில் கும்பாபிஷேகத்தின்போது ஏற்பட்ட முன்விரோதத்தில், கொலை நடந்திருக்கலாம் என போலீசார் சார்பில் தகவல் தெரிவிக்கப்பட்டுள்ளது. தீபாவளிய முதல் தொடர்ச்சியாக 3 கொலைகள் அரங்கேறியுள்ள நிலையில், இதுதொடர்பாக செய்தி சேகரிக்கச் சென்றவர்களை காவல்துறையினர் தடுத்ததால் செய்தியாளர்கள் மற்றும் காவல்துறையினரிடையே கடும் வாக்குவாதம் ஏற்பட்டது.
இந்நிலையில் குற்றவாளிகளை கைது செய்யக்கோரி சிவகங்கை அதிமுக எம்.எல்.ஏ செந்தில்நாதன் தலைமையில் அக்கட்சியினர் சாலை மறியல் போராட்டத்தில் ஈடுபட்டனர்.
