மகாராஷ்டிரா முன்னாள் அமைச்சர் பாபா சித்திக் கொலை வழக்கில் முக்கிய நபரை காவல்துறையினர் கைது செய்தனர்.
தேசியவாத காங்கிரஸ் கட்சியின் மூத்த தலைவரும், முன்னாள் அமைச்சருமான பாபா சித்திக் கடந்த அக்டோபர் மாதம் சுட்டுக்கொல்லப்பட்டார். இந்த வழக்கில் முக்கிய குற்றவாளியான ஷிவ் குமார் தலைமறைவான நிலையில், மும்பை காவல்துறையினர் அவரை தீவிரமாகத் தேடி வந்தனர்.
இந்நிலையில், உத்தர பிரதேசத்தின் பஹரைச்சில் வைத்து ஷிவ் குமார் மற்றும் அவரது கூட்டாளிகள் இருவரை காவல்துறையினர் கைது செய்தனர். அவர்கள் நேபாளத்திற்கு தப்ப முயன்றது விசாரணையில் தெரியவந்தது.
