சீன வெளியுறவுத்துறை அமைச்சரை சந்தித்த அமைச்சர் ஜெய்சங்கர்!

ஜி20 மாநாட்டின்போது இந்திய வெளியுறவுத்துறை அமைச்சர் ஜெய்சங்கரை, சீன வெளியுறவுதுறை அமைச்சர் வாங் யி, சந்தித்து ஆலோசனை மேற்கொண்டார்.

பிரேசில் தலைநகர் ரியோ டி ஜெனிரோவில் ஜி20 உச்சி மாநாடு நடைபெற்று வருகிறது. அப்போது வெளியுறவுத்துறை அமைச்சர் ஜெய்சங்கரை சீன வெளியுறவுதுறை அமைச்சர் வாங் யி சந்தித்தார்.

அப்போது 2020-ஆம் ஆண்டில் நிறுத்தப்பட்ட இரு நாடுகளுக்கு இடையேயான நேரடி விமான சேவையை மீண்டும் தொடங்குவது குறித்து ஆலோசனை மேற்கொள்ளப்பட்டது.

விசா செயல்முறைகள் குறித்தும், இருதரப்பு உறவுகளை வலுப்படுத்துவது தொடர்பாகவும் இருநாட்டு அமைச்சர்கள் ஆலோசனை மேற்கொண்டனர். மேலும், உலகளாவிய பிரச்சினைகள் குறித்து விவாதித்தனர்.