நாமக்கல் மாவட்டம் குமாரபாளையம் அருகே காவிரி ஆற்று பாலத்தில் ஆபத்தான முறையில் அமர்ந்துகொண்டு மது அருந்தியபடியே மீன்பிடித்த நபர்களுக்கு போலீசார் நூதன தண்டனை வழங்கினர்.
குமாரபாளையம் அருகேயுள்ள பாலத்தின் மீது 5 பேர் ஆபத்தான முறையில் அமர்ந்துகொண்டு மது அருந்தியபடியே மீன்பிடித்துக் கொண்டிருந்தனர்.
இதனை வீடியோவாக பதிவுசெய்த நபர் காவல்துறையினரிடம் புகாரளித்தார். இதையடுத்து அப்பகுதிக்கு வந்த போலீசார் 5 பேரையும் 100 தோப்புக்கரணம் போடவைத்து நூதன தண்டனை அளித்தனர்.
