சென்னை ராயப்பேட்டையில், ஆன்லைன் மூலம் மெத்தபெட்டமைன் போதைப்பொருள் விற்பனை செய்த இரண்டு பொறியாளர்கள் உட்பட 3 பேரை போலீசார் கைது செய்தனர்.
ராயப்பேட்டை சைவ முத்தையா தெருவில், மெத்தபெட்டமைன் போதைப்பொருள் விற்பனை செய்யப்படுவதாக வந்த ரகசிய தகவலை அடுத்து தனிப்படை போலீசார் சம்பவ இடத்திற்கு சென்றனர்.
அங்கு சந்தேகத்துக்கிடமாக நின்று இருந்த பொறியாளர்கள் நித்தீஷ், சக்தி வாசுதேவன் மற்றும் வினேஷ் ஆகியோரை பிடித்து சோதனை செய்ததில், 5 கிராம் மெத்தபெட்டமைன் போதைப்பொருள், 10 ஊசிகள் இருப்பது தெரியவந்தது.
இதையடுத்து, போதைப்பொருள், 3 இருசக்கர வாகனம் மற்றும் 3 செல்போன்களை பறிமுதல் செய்த போலீசார், 3 பேரையும் கைது செய்தனர்.
இவர்களிடம் நடத்திய விசாரணையில், நுங்கம்பாக்கத்தில் வசித்து வரும் அமித் என்பவர் ஆன்லைன் மூலம் மெத்தபெட்டமைன் போதை பொருள் விற்பனை செய்து வந்தது கண்பிடிக்கப்பட்டது. இதனையடுத்து தலைமறைவாகியுள்ள அமித்தை பிடிக்க தனிப்படை போலீசார் தேடி வருகின்றனர்.
