டிரம்ப் நிர்வாகத்தின் கீழ் செயல்படும் டாட்ஜ் துறைக்கு நேரம் ஒதுக்குவதைக் குறைத்துக் கொள்ள இருப்பதாக எலான் மஸ்க் தெரிவித்துள்ளார்.
அமெரிக்க அதிபர் டிரம்ப் பதவியேற்றதைத் தொடர்ந்து அரசு நிர்வாக செலவுகளைக் குறைப்பதற்காக ‘டாட்ஜ்’ என்னும் புதிய துறை உருவாக்கப்பட்டது.
அதன் செயல் தலைவராக டெஸ்லா நிறுவன உரிமையாளர் எலான் மஸ்க் பொறுப்பு வகித்து வந்தார். இந்நிலையில், டிரம்புடன் இணைந்து செயல்படுவதால் எலான் மஸ்க்கின் டெஸ்லா நிறுவனம் உள்ளிட்டவற்றின் பங்குகள் வீழ்ச்சியடையத் தொடங்கின.
இதன் காரணமாக, டாட்ஜ் துறைக்கு நேரம் ஒதுக்குவதைக் குறைத்துக் கொள்ள இருப்பதாக எலான் மஸ்க் தெரிவித்துள்ளார். அடுத்த மாதத்துக்குள் முழுவதுமாக வெளியேறிவிடுவேன் எனவும் அவர் சூசகமாகக் கூறியுள்ளார்.
