திமுக கூட்டணி சார்பில் மக்கள் நீதி மய்யம் கட்சித் தலைவர் கமல்ஹாசன் மாநிலங்களவை எம்.பி-யாக போட்டியிடவுள்ளார் என அறிவிக்கப்பட்டுள்ளது.
மாநிலங்களவையில் திமுக-வுக்கு 4 இடங்கள் ஒதுக்கப்பட்டுள்ள நிலையில், அக்கட்சி சார்பில் மாநிலங்களவை தேர்தலில் போட்டியிடும் வேட்பாளர்கள் பெயர் பட்டியல் அறிவிக்கப்பட்டது.
அதன்படி திமுக சார்பில் வழக்கறிஞர் வில்சன், சேலம் கிழக்கு மாவட்டச் செயலாளர் எஸ்.ஆர்.சிவலிங்கம், கவிஞர் சல்மா ஆகியோருக்கு வேட்பாளர்களாக அறிவிக்கப்பட்டுள்ளனர்.
மேலும் திமுக சார்பில் 4-வது வேட்பாளருக்கான இடம் கூட்டணியில் உள்ள மக்கள் நீதி மய்யம் கட்சிக்கு ஒதுக்கப்படுவதாக அறிவிக்கப்பட்டுள்ளது.
இந்நிலையில், மக்கள் நீதி மய்யம் கட்சித் தலைவர் கமல்ஹாசனை வேட்பாளராக அறிவித்து அக்கட்சியின் நிர்வாகக்குழு மற்றும் செயற்குழு கூட்டத்தில் ஒருமனதாக முடிவு செய்யப்பட்டுள்ளது.
