நிவின் பாலி, நயன்தாரா நடிக்கும் டியர் ஸ்டூடன்ட்ஸ் திரைப்படத்தின் டீசர் யூடியூபில் 25 லட்சத்துக்கும் அதிகமான பார்வைகளை பெற்றுள்ளது.
2019-ம் ஆண்டு வெளியான லவ் ஆக்ஷன் டிராமா படத்துக்குப் பிறகு நிவின் பாலி, நயன்தாரா இருவரும் மீண்டும் இணைந்து டியர் ஸ்டூடன்ட்ஸ் படத்தில் நடித்துள்ளனர்.
இதனை அறிமுக இயக்குநர்கள் ஜார்ஜ் பிலிப் ராய் மற்றும் சந்தீப் குமார் எழுதி இயக்கியுள்ளனர். இப்படத்தில் அஜு வர்கீஸ், ரெடின் கிங்ஸ்லி, ஆடுகளம் முருகதாஸ் உள்ளிட்டோர் நடித்துள்ளனர். இப்படம் காமெடி, ஆக்ஷன் கலந்த எண்டர்டெய்னராக உருவாகியுள்ளதை டீசரின் மூலம் தெரிந்து கொள்ள முடிகிறது.
