பெருநகர சென்னை காவல் கிழக்கு மண்டலத்தில் பணியாற்றும் 8 உதவி காவல் ஆணையர்கள் பணியிடமாற்றம் செய்யப்பட்டுள்ளனர்.
சென்னை காவல் கிழக்கு மண்டல இணை காவல் ஆணையர் அலுவலகம் வெளியிட்டுள்ள உத்தரவில், கிழக்கு மண்டலத்தின் கில்பாக் காவல் மண்டலத்தில் உதவி காவல் ஆணையராக பணியாற்றி வந்த ஆர்.துரை, ஆவடி காவல் மண்டல உதவி காவல் ஆணையராக பணியிட மாற்றம் செய்யப்பட்டுள்ளார்.
வேப்பேரி உதவி காவல் ஆணையராக பணியாற்றி வந்த ஆர். கண்ணன், பட்டாபிராம் காவல் உதவி காவல் ஆணையராக நியமிக்கப்பட்டுள்ளார்.
மாநகர குற்றப்பிரிவில் பணியாற்றி வந்த கே.கிருஷ்ணமூர்த்தி, கோட்டூர்புரம் காவல் மண்டலத்தில் உதவி காவல் ஆணையராகவும், கோட்டூர்புரம் உதவி காவல் ஆணையராக பணியாற்றி வந்த கே.பாரதி ராஜன், புலனாய்வு பிரிவில் உதவி காவல் ஆணையராகவும் பணியிடமாற்றம் செய்யப்பட்டுள்ளனர். மத்திய குற்றப்பிரிவில் பணியாற்றி வந்த எஸ்.மணிமேகலை, கில்பாக் காவல் மண்டலத்திற்கு உதவி காவல் ஆணையராக நியமிக்கப்பட்டுள்ளார்.
மதுவிலக்கு அமலாக்கப் பிரிவில், கிழக்கு மண்டலத்தில் உதவி காவல் ஆணையரான பி.காந்தவேலு, கொளத்தூர் மண்டல உதவி காவல் ஆணையராகவும்,
மயிலாப்பூர் மண்டலத்தில் உதவி காவல் ஆணையராக பணியாற்றி வந்த வி.ஸ்ரீநிவாசன், புலனாய்வு பிரிவு உதவி காவல் ஆணையராகவும் மாற்றப்பட்டுள்ளனர்.
மத்திய குற்றப்பிரிவில் பணியாற்றி வந்த எம்.காயத்ரி, வேப்பேரி காவல் மண்டலத்திற்கு உதவி காவல் ஆணையராக நியமிக்கப்பட்டுள்ளார். மேலும், துணை காவல் ஆணையர்கள் சம்பந்தப்பட்ட அதிகாரிகளை உடனடியாக விடுவித்து, புதிய பொறுப்புகளை ஏற்கும் தேதியை தெரிவிக்க வேண்டும் என கிழக்கு மண்டல இணை காவல் ஆணையர் அலுவலகம் உத்தரவிட்டுள்ளது.
