சீனா உடனான அமெரிக்காவின் உறவு நன்றாக உள்ளது என்றும், சீன அதிபருக்கும், தமக்கும் இடையே நல்ல உறவு இருப்பது முக்கியம் எனவும் அதிபர் டிரம்ப் தெரிவித்துள்ளார்.
வெள்ளை மாளிகையில் செய்தியாளர்களிடம் பேசிய அதிபர் டிரம்ப், ஈரானுடன் அமெரிக்கா ஒரு ஒப்பந்தம் செய்ய வேண்டும் என்றும், இல்லையெனில் அது ஈரானுக்கு மிகவும் அதிர்ச்சிகரமானதாக இருக்கும் எனவும் கூறினார்.
ஒப்பந்தம் செய்யாமல் ஈரான் பிடிவாதம் பிடித்தால் கடும் விளைவுகளை சந்திக்க நேரிடும் என எச்சரிக்கை விடுத்தார்.
ஏப்ரல் மாதத்தில் சீன அதிபர் ஜி ஜின்பிங்கை சந்திக்க உள்ளதாக கூறிய அதிபர் டிரம்ப், ஆண்டின் இறுதியில் சீன அதிபர் அமெரிக்கா வருவதாக தெரிவித்தார்.
சீனா உடனான அமெரிக்காவின் உறவு இப்போது நன்றாக உள்ளது என தெரிவித்த டிரம்ப், இருவருக்கும் இடையே நல்ல உறவு இருப்பது முக்கியம் என குறிப்பிட்டார்.
மேலும், உலகின் மிக சக்திவாய்ந்த இரண்டு நாடுகளுக்கு இடையே மிகச்சிறந்த உறவு உள்ளது என அதிபர் டிரம்ப் கூறினார்.
