ஜனநாயகன்’ திரைப்படத்தின் காட்சிகளை பதிவிறக்கம் செய்தாலோ, சமூக வலைதளங்களில் பகிர்ந்தாலோ சட்டபூர்வ நடவடிக்கை எனப்படும் என பட தயாரிப்பு நிறுவனம் எச்சரித்துள்ளது.
இதுகுறித்து வெளியிட்டுள்ள அறிக்கையில், ஜனநாயகன் திரைப்படத்தின் சில காட்சிகள் மற்றும் பெரும்பான்மையான பகுதிகள் அடையாளம் தெரியாத நபர்களால் சட்டவிரோதமாக திருடப்பட்டு இணையத்தில் பரப்பப்பட்டு வருவதாகவும்,
வாட்ஸ்அப், டெலிகிராம், இன்ஸ்டாகிராம், பேஸ்புக் போன்ற எந்தவொரு தளத்திலும் இந்த படத்தின் காட்சிகளைப் பதிவிறக்கம் செய்வதோ, சேமிப்பதோ அல்லது பிறருக்கு பகிர்வதோ சட்டப்படி குற்றம் எனவும் எச்சரிக்கப்பட்டுள்ளது.
இணையத்தில் பகிரப்படும் ஒவ்வொரு செயலும் கண்காணிக்கப்பட்டு வருவதாகவும், இதற்கு பின்னால் இருப்பவர்களை கண்டறியும் பணி ஏற்கனவே தொடங்கிவிட்டதாகவும் நிறுவனம் கூறியுள்ளது.
திருட்டுத்தனமாகத் திரைப்படத்தைப் பரப்புபவர்கள் மீது எவ்வித விதிவிலக்கும் இன்றி சிவில் மற்றும் கிரிமினல் நடவடிக்கைகள் எடுக்கப்படும் எனவும்,
அத்தகைய இணையத்தில் வெளியான வீடியோக்கள் அல்லது லிங்குகளைப் பெற்றால், அவற்றை உடனடியாக டெலீட் செய்யுமாறும் பட தயாரிப்பு நிறுவனம் கேட்டுக்கொண்டுள்ளது.
