உடல்நலக்குறைவு காரணமாக மருத்துவமனையில் சிகிச்சை பெற்றுவரும் விஷ்வ ஹிந்து பரிஷத் அமைப்பின் அகில உலக முன்னாள் செயல் தலைவர் எஸ்.வேதாந்தம்ஜியை ஆர்.எஸ்.எஸ் தலைவர் மோகன் பாகவத் நேரில் சந்தித்து நலம் விசாரித்தார்.
விஷ்வ ஹிந்து பரிஷத் அமைப்பின் அகில உலக முன்னாள் செயல் தலைவர் எஸ்.வேதாந்தம்ஜி தமிழகத்தின் பல்வேறு இடங்களில் சேவையாற்றியுள்ளார். கல்வி, மருத்துவம் என பல்வேறு துறைகளில் சேவையாற்றி ஓய்வு பெற்ற இவருக்கு வயது மூப்பு காரணமாக உடல்நலக்குறைவு ஏற்பட்டது.
சென்னையில் தனியார் மருத்துவமனையில் சிகிச்சை பெற்று வரும் இவரை ஆர்.எஸ்.எஸ் தலைவர் மோகன் பாகவத் நேரில் சந்தித்து நலம்விசாரித்தார். விரைவில் உடல்நலம் சீரடைய இறைவனை பிரார்த்திப்பதாக கூறிய அவர், எஸ்.வேதாந்தம்ஜி-க்கு அளிக்கப்படும் சிகிச்சை குறித்து கேட்டறிந்தார்.
அப்போது விஸ்வ ஹிந்து பரிஷத் அமைப்பின் மாநில தலைவர் ஆர்.ஆர்.கோபால்ஜி உள்ளிட்டோர் உடனிருந்தனர்.
